Makeup artist ដ៏​ល្បីល្បាញ​ឈ្មោះ Pony បាន​បង្ហាញ​រថយន្ត​ថ្មី​សន្លាង​របស់​ខ្លួន​ដែល​ទើប​នឹង​ទិញ​កាលពី​ពេល​ថ្មី​ៗ​នេះ។ Pony បាន​ណែនាំ​រថយន្ត​ថ្មី​របស់​នាង​នៅ​លើ Instagram ហើយ​នាង​ក៏​បាន​បាន​បង្ហោះ​រូបថត​ដៃ​កាន់​កូនសោ​ឡាន​ដ៏​ទំនើប​របស់​អ៊ីតាលី​ផង​ដែរ។

អ្នក​ផាត់​មុខ​ឲ្យ CL រូប​នេះ​ក៏​បាន​សរសេរ​អក្សរ​អម​ជាមួយ​រូប​នោះ​ថា "មិត្តភ័ក្ដិ​ថ្មី​របស់​យើង! #huracan #huracanspyder"។ រថយន្ត​ថ្មី​របស់​នាង គឺ​ម៉ាក Lamborghini Huracan Spyder ជា​ប្រភេទ​រថយន្ត​ទំនើប​ដែល​តម្លៃ​ចាប់ពី ៣០០ លាន​វុន (ប្រហែល ២៩០ ០០០ ដុល្លារ) និង​លើស​ពី ៤០០ លាន​វុន (ប្រហែល ៣៨០ ០០០ ដុល្លារ) ។

ការ​ដែល​នាង​អាច​ទិញ​ឡាន​ដ៏​ថ្លៃ​នេះ ក៏​ព្រោះតែ​​អាជីព​ជា​អ្នក​ផាត់​មុខ​របស់​នាង​មាន​ការ​ចម្រើន​ខ្លាំង​ក្នុង​រយៈពេល​ប៉ុន្មាន​ឆ្នាំ​ចុង​ក្រោយ​នេះ។ Pony គឺជា​សិល្បករ​តុបតែង​ល្បីល្បាញ​ដែល​មាន​អ្នកsubscribe នៅ​គេហទំព័រ YouTube ជាង ៣ លាន​នាក់ និង​អ្នក Follow Instagram ជាង ៤ លាន​នាក់។

Pony ជា​អ្នក makeup ពេញ​និយម​របស់​តារា​ល្បី​ៗ​មួយ​ចំនួន​ដូចជា CL និង Yeeun ហើយ​ត្រូវ​បាន​គេ​ចាត់​ទុក​ថា​ជា​មនុស្ស​ម្នាក់​ក្នុង​ចំណោម​អ្នក​មាន​ឥទ្ធិពល​បំផុត​នៅ​ក្នុង​ឧស្សាហកម្ម​សំលៀកបំពាក់។ ថ្មី​ៗ​នេះ​នាង​បាន​ទទួល​ប្រាក់​ចំណូល​កាន់តែ​ច្រើន​ពី​កិច្ច​សហការ​ជាច្រើន​របស់​នាង​ជាមួយ​ម៉ាក​ល្បី​ៗ ដូចជា Etude House និង Dior ខណៈ​ពេល​ដែល​នាង​ក៏​បាន​ចាប់ផ្តើម​ផលិត​គ្រឿង​សម្អាង​ម៉ាក​ផ្ទាល់​ខ្លួន៕

ចុចអាន៖Song Hye Kyo ស្អាត​លេចធ្លោ​​ខ្លាំងក្នុង​កម្មវិធី​បង្ហាញ​ម៉ូដ​លើ​ដី​បារាំង