ចំណាយពេលដ៏មានតម្លៃនាថ្ងៃ Christmas ជាមួយមនុស្សសំខាន់តាមវិធីទាំងនេះ

2017-12-19 09:10:35
ចំនួនមតិ 0 | ចំនួនចែករំលែក 0

ថ្ងៃ Christmas ក៏ជិតមកដល់ដែរ ទោះបីជាវាមិនមែនជាបុណ្យប្រពៃណីរបស់ខ្មែរក៏ដោយ តែមានប្រជាជនជាច្រើនចូលរួមរីករាយជាមួយនឹងបុណ្យនេះណាស់។ សម្រាប់ថ្ងៃនោះ កញ្ញា ក៏ចង់ចែករំលែកនូវវិធីចំណាយពេលដ៏មានតម្លៃនាថ្ងៃ Christmas ជាមួយមនុស្សសំខាន់ដែរ ដោយតាមរយៈអត្ថបទខាងក្រោមនេះ ៖

១. ចំណាយពេលមើលកុនស្នេហាជាមួយគ្នា

ការមើលកុនបែបរ៉ូមែនទិចអាចជួយឲ្យអារម្មណ៍ស្នេហាអ្នកកាន់តែល្អ ម្យ៉ាងទៀតវាអាចបង្កើនភាពស្និទ្ធស្នាលបានយ៉ាងកក់ក្ដៅ។ អ្នកអាចចំណាយពេលល្ងាចដ៏ត្រជាក់អង្គុយមើលកុនជាមួយមនុស្សជាទីស្រឡាញ់យ៉ាងមានសេចក្ដីសុខ។

២. ញ៉ាំអាហារពេលល្ងាចដ៏ពិសេសមួយ

បើអ្នកមានលទ្ធភាពនោះគួរតែកក់ហាងអាហារពេលល្ងាចមួយសម្រាប់ញ៉ាំជុំគ្នាជាមួយមនុស្សជាទីស្រឡាញ់ ព្រោះវាពិតជាពិសេស ហើយមានភាពផ្លូវការសម្រាប់ការណាត់ជួបក្នុងថ្ងៃ Christmas ដ៏រីករាយនោះ។ ប៉ុន្តែបើអ្នកមិនចង់ចំណាយច្រើន អ្នកអាចធ្វើអាហារជាមួយគ្នានៅផ្ទះក៏បាន ព្រោះវានៅតែមានភាពផ្អែមល្ហែមដូចគ្នា។

៣. ចំណាយពេលដើរផ្សារទិញឥវ៉ាន់ដែលចង់បានជាមួយគ្នា

ការពិតប្រហែលអ្នកគិតថាវាអាចនឹងចំណាយច្រើន ប៉ុន្តែគួរតែគិតថាអ្នកក៏សន្សំយូរមកហើយដែរ។ ការដើរទិញឥវ៉ាន់នៅថ្ងៃ Christmas គឺពិតជារីករាយព្រោះនៅក្នុងផ្សារទំនើបមានការដាក់លក់ទំនិញជាច្រើន ហើយក៏មានការបញ្ចុះតម្លៃជាច្រើនដែរ។ វាជាក្ដីសុខមួយរបស់មនុស្សស្រី ហើយវាក៏ជារឿងដ៏កក់ក្ដៅមួយដែលអ្នកអាចផ្ដល់ឲ្យនាងបាន។

៤. មានដំណើរកម្សាន្តជាមួយគ្នា

អ្នកអាចជ្រើសរើសកន្លែងមួយដែលអ្នកទាំងពីរចូលចិត្តដើម្បីសម្រាកក្នុងថ្ងៃ Christmas នេះ។ បើអាចអ្នកគួរជ្រើសរើសកន្លែងដែលរ៉ូមែនទិចបន្តិច ដូចជាទៅសមុទ្រ ស្ដាប់សម្លេងទឹករលក មើលថ្ងៃលិច បាញ់កាំជ្រួច លេងទឹក ឬដើរតាមឆ្នេរខ្សាច់ជាមួយគ្នាជាដើម។

៥. រៀបចំកាដូដ៏ Surprise មួយ

ទោះស្រឡាញ់គ្នាយូរប៉ុណ្ណាក៏ដោយ តែការ Surprise ក្នុងស្នេហានៅតែត្រូវការ ព្រោះវាជាខ្សែមួយដែលអាចធ្វើឲ្យអ្នកទាំងពីរមានភាពកក់ក្ដៅស្និទ្ធស្នាល។ អ្នកអាចរៀបចំអំណោយមួយដែលអ្នកគិតថាពិសេស និងមានន័យ។