អត្ថប្រយោជន៍នានាដែលទទួលបាននៅពេលមានមិត្តប្រុសមិនសូវស្អាត
- 2017-12-17 04:16:23
- ចំនួនមតិ 0 | ចំនួនចែករំលែក 0
អត្ថប្រយោជន៍នានាដែលទទួលបាននៅពេលមានមិត្តប្រុសមិនសូវស្អាត
អ្នកវិទ្យាសាស្ត្របានស្រាវជ្រាវរកឃើញថា ភាគច្រើនបុរសអាក្រក់តែងមានទេពកោសល្យ និងមានចិត្តស្មោះជាងបុរសដែលមានរូបសម្បត្តិស្រស់ស្អាត។ ក្រៅពីនោះ អ្នកក៏ទទួលបានសារប្រយោជន៍ជាច្រើនទៀតនៅពេលមនុស្សប្រុសមិនស្អាតមកធ្វើជាសង្សារ។
១. មានគំនិតឈានទៅមុខ
មនុស្សមិនស្អាតតែងដឹងពីចំណុចខ្សោយរបស់ខ្លួន ដូចនេះគេនឹងប្រឹងអស់ពីសមត្ថភាពដើម្បីអះអាងឲ្យគេឃើញថាខ្លួនមានគំនិតឆ្ពោះទៅមុខ។ នេះគឺជាមូលហេតុដែលមនុស្សប្រុសមិនស្អាតភាគច្រើនតែឆ្លាត និងឧស្សាហ៍ជាងអ្នកបានតែសម្រស់ខាងក្រៅហើយខ្ជិលរលួយ។
**២. ចេះឲ្យតម្លៃមនុស្សស្រី**
ដោយសារមិនសូវស្អាត ទើបមិនសូវមានមនុស្សស្រីច្រើនចោមរោមនោះទេ ម្ល៉ោះហើយពេលបានមនុស្សស្រីណាម្នាក់ស្រលាញ់ គេតែងឲ្យតម្លៃមនោសញ្ចេតនាមួយនេះខ្លាំងណាស់។ គេអាចមើលថែអ្នកបានល្អជាងប្រុសស្អាតដទៃឆ្ងាយណាស់។
៣. ស្មោះត្រង់
ស្ទើរតែប្រុសមិនស្អាតទាំងអស់គឺស្មោះត្រង់ព្រោះដឹងថាខ្លួនមិនអំណោយផលខាងរូបសម្បត្តិ។ រាល់ពេលសុំស្រលាញ់នរណាម្នាក់ គេតែងភ័យខ្លាច ព្រោះអត្រាជោគជ័យគឺទាបជាងអ្នកដទៃ ដូចនេះពេលមានស្នេហាមួយហើយ គេនឹងព្យាយាមថែរក្សាវា។
៤. មានជម្រើសច្រើនសម្រាប់មនុស្សស្រី
បើនិយាយពីប្រុសស្អាតគឺកម្រមាន ព្រោះប្រុសរាប់សិបអ្នកទើបរកបានស្អាតម្នាក់ តែបើអ្នកមិនសូវស្អាតវិញគឺមិនពិបាកស្វែងរកនោះឡើយ។ ប្រសិនបើអ្នកមិនមែនជាប្រភេទមនុស្សដែលរើសពេក អ្នកអាចរកបានសង្សារម្នាក់ដោយងាយស្រួល។
៥. មានទេពកោសល្យផ្សេងៗច្រើន
ជំនួសឲ្យការទាក់ទាញដៃគូដោយរូបសម្បត្តិ មនុស្សប្រុសដែលមិនសូវស្អាតនឹងប្រើវិធីដទៃដើម្បីទាក់ទាញចំណាប់អារម្មណ៍របស់អ្នក។ ភាគច្រើនមានទេពកោសល្យដូចជា ច្រៀងពិរោះ ពូកែតែងកំណាព្យ ឬចេះគូររូបជាដើម៕