រើសដើមឈើទិព្វ១ក្នុងចំណោម៥ ដើម្បីទាយវាសនាអ្នកក្នុងឆ្នាំ ២០១៨ខាងមុខនេះ

2017-12-08 04:28:11
ចំនួនមតិ 0 | ចំនួនចែករំលែក 0

នេះជាការទស្សន៍ទាយតាមរយៈចិត្តវិទ្យា អ្នកគ្រាន់តែជ្រើសរើសដើមឈើទាំង ៥ ខាងក្រោមដែលអ្នកពេញចិត្ត ហើយវានឹងបង្ហាញថាតើក្នុងឆ្នាំ ២០១៨ អ្នកនឹងទៅជាមនុស្សប្រភេទណា។

១. ដើម Oak

មនុស្សប្រភេទនេះតែងមានគំនិតមួយថា «ចាក់ទឹកមិនចេះពេញកែវ» មានន័យថាគេចង់ស្វែងយល់ពីចំណេះដឹងថ្មីៗឥតឈប់ឈរ ។ គេឱ្យនិយមន័យជីវិតខ្លួនថាជាដំណើរផ្សងព្រេងមួយដ៏ធំល្វឹងល្វើយ។ សម្រាប់ឆ្នាំ ២០១៨ មនុស្សប្រភេទនេះនឹងពោរពេញទៅដោយថាមពល គេមិនខ្លាចរអារជាមួយរឿងទាំងឡាយដែលត្រៀមនឹងកើតឡើងទេ ព្រោះថាគេបានត្រៀមខ្លួនរួចជាស្រេចហើយ។ គេត្រៀមខ្លួននឹងរងទុក្ខដើម្បីសម្រេចជោគជ័យក្នុងឆ្នាំក្រោយនេះ។

២. ដើម Larch

គេជាមនុស្សឯករាជ្យ និងពោរពេញទៅដោយគំនិតច្នៃប្រឌិត។ ក្នុងឆ្នាំ ២០១៨ គេអាចនឹងមានឱកាសរកចំណូលបានច្រើនសំខាន់ឱ្យតែមានការតាំងចិត្ត និងដើរតាមគោលការណ៍របស់ខ្លួន។ ពេលខ្លះគេមិនចាំបាច់ប្រឹងប្រែងច្រើនក៏បាន ព្រោះទេពកោសល្យពីកំណើតនឹងជួយត្រួសត្រាយផ្លូវសម្រាប់គេ។

៣. ដើម Maple

ជាមនុស្សដែលឆាប់បាក់ទឹកចិត្ត ហើយពេលខ្លះក៏មោះមុតជ្រុលដែរ។ គេតែងតែខ្វល់ពីអារម្មណ៍អ្នកដទៃច្រើនជាងខ្វល់ពីអារម្មណ៍ខ្លួនឯង ប៉ុន្តែយ៉ាងណាក្តីមនុស្សប្រភេទនេះអាចនឹងបានជួបស្នេហាពិតបែបរ៉ូមែនទិកក្នុងឆ្នាំ ២០១៨។

៤. ដើម Alder

អ្នកប្រហែលជាមនុស្សដែលគេឯងអាចទុកចិត្តបាន មានអព្យាក្រឹតក្នុងការសម្រេចចិត្តផ្សេងៗ។ អ្នកក៏មិនចង់ឱ្យអ្នកដទៃមើលមកអ្នកថាជាមនុស្សទន់ខ្សោយដែរ ដូច្នេះហើយទើបបានជាអ្នកឧស្សាហ៍ខ្វែងគំនិតជាមួយមនុស្សដែលមានភេទផ្ទុយគ្នា យ៉ាងណាក្តីសូមកុំបោះបង់ចោលអំពើល្អរបស់ខ្លួនឯងអី ក្នុងឆ្នាំ ២០១៨ អ្នកប្រហែលជាអាចជួបមនុស្សដែលយល់ចិត្តក៏ថាបាន។

៥. ដើម Myrtle

ប្រហែលអ្នកជាមនុស្សដែលពោរពេញទៅដោយភាពជឿជាក់ហើយមើលទៅ! អ្នកគ្រប់គ្រងលើដំណើរជីវិតរបស់ខ្លួន ហើយមិនដែលជឿលើសំណាងឡើយគឺមានតែការតស៊ូព្យាយាមតែប៉ុណ្ណោះ។ អ្នកមិនដែលទុកការងារឱ្យនៅចោលពាក់កណ្តាលទីទេ ហើយសម្រាប់ឆ្នាំថ្មីអ្នកអាចនឹងត្រូវគេដំឡើងតំណែងឱ្យដោយសារការខិតខំប្រឹងប្រែងនោះ។

ការបកស្រាយខាងលើគឺជាការទាយតាមចិត្តវិទ្យា ពេលខ្លះអ្នកមិនដឹងពីលក្ខណៈសម្បត្តិរបស់ខ្លួនឯងទេ ប៉ុន្តែអ្នកដទៃអាចមើលដឹង៕

ចុចអាន៖ជ្រើសរើសរូបត្រីកោណមួយដែលពេញចិត្ត វានឹងប្រាប់ថាអ្នកជាមនុស្សបែបណា!

ប្រភព៖ Brightside ប្រែសម្រួល៖ អ៊ុង រ័ត្នបញ្ញា