ធ្វើរឿង ៥ យ៉ាងនេះ ទើបសមជាដៃគូស្នេហាដែលមានប្រយោជន៍

2017-12-02 02:58:55
ចំនួនមតិ 0 | ចំនួនចែករំលែក 0

ដៃគូស្នេហានីមួយៗគួរចេះមានវិធីធ្វើឲ្យការដែលខ្លួនស្រលាញ់គ្នានេះ បង្កើតជាផលប្រយោជន៍រួមទៅ។ ព្រោះជីវិតគូនឹងជួបតែសេចក្ដីសុខ ដូចនេះធ្វើរឿង ៥ យ៉ាងជាមួយគ្នា អ្នកអាចក្លាយជាប្ដីប្រពន្ធដែលមានប្រយោជន៍បាន៖

១.ទម្លាប់ល្អនាំមកនូវលទ្ធផលល្អ

ទម្លាប់ល្អក្រាកពីគេងរៀបចំទុកដាក់ទាំងអស់គ្នា ហើយចាប់ផ្ដើមជជែកគ្នាពីបញ្ហាការងារ ក៏ដូចជារកនឹកវិធីល្អ សម្រាប់ដោះស្រាយទុក្ខលំបាកណាមួយ។ បន្ទាប់មកនាំគ្នាញ៉ាំអាហារពេលព្រឹករួមគ្នាធ្វើឲ្យជីវិតអ្នកមានភាពប្រសើរឡើងៗ ពីមួយថ្ងៃទៅមួយបថ្ងៃ។

២.ចុងសប្ដាហ៍នៅជាមួយគ្នា

ពីថ្ងៃច័ន្ទ ដល់សុក្រ ម្នាក់ៗបាននៅជាមួយការងារច្រើនជាងគ្រួសារ ដូចនេះពេលចុងសប្ដាហ៍គួរណាស់តែអ្នកទាំងពីរទុកការងារនៅ office ចុះ ហើយបង្កើតភាពស្និទស្នាលជាមួយអ្នកនៅក្បេរខ្លួនវិញ។ ព្រោះបើសៅរ៍-អាទិត្យ អ្នកនៅយកការងារមកធ្វើនៅផ្ទះទៀតនោះ ច្បាស់ណាស់ថាភាគីម្ខាងមិនសប្បាយចិត្តឡើយ។

៣.ធ្វើផែនការហិរញ្ញវត្ថុ សម្រាប់ទុកពេលអនាគត

ប្ដីប្រពន្ធគ្រប់គូ គួរតែមានផែនការមួយនេះ ដើម្បីកុំឲ្យទុកពេលវេលាល្អនោះ កន្លងទៅដោយគ្មានប្រយោជន៍ឲ្យសោះ។ ពួកអ្នកត្រូវចេះធ្វើផែនការគ្រួសារទៅថ្ងៃខាងមុខ ទើបជីវិតមិនសូវពិបាក ពេលជួបបញ្ហាប្រឈមណាមួយ។ ម្យ៉ាងទៀតគួរគិតគូពីបញ្ហាហិរញ្ញវត្ថុសម្រាប់ពេលមានអាសន្នណាមួយ ដោយចេះបែងចែកមួយភាគទៅសន្សំ។

៤.នាំការចងចាំផ្អែមល្ហែមជាមួយគ្នា

គ្រួសារគួរតែមានការសន្សំប្រាកកាក់ខ្លះ ទុកទៅដើរលេងកន្លែងចាស់ ដែលអាចឲ្យអ្នកទាំងពីររំលឹកពីការចងចាំយ៉ាងផ្អែមល្ហែម កាលគ្រាស្រលាញ់គ្នាដំបូង។ ពេលយូរៗម្ដងមានឱកាសដើរបែបនេះ ទោះជាជីវិតប្រចាំថ្ងៃរវល់យ៉ាងណា ក៏វាមិនធ្វើឲ្យប៉ះពាល់ដល់ការសម្ពន្ធភាពស្នេហាអ្នកដែរ។ ប្រសិនបើមានកូនអ្នកអាចផ្ញើនឹងឪពុកម្តាយរបស់អ្នកឲ្យពួកគាត់មើលថែពីរ-បីថ្ងៃសិន តែបើគ្មាននរណាម្នាក់ជួយទេយកពួកគេទៅជាមួយចុះ។ ប៉ុន្តែចំណាយពេលចេញពីទីក្រុង ទើបបរិយាកាសល្អ។

៥.ចំណាយពេលធ្វើជាគំរូល្អ

អ្នកគួរតែចំណាយពេលខ្លះជួយដល់សហគមន៍ដែលខ្លួនកំពុងរស់នៅ ដើម្បីបំពេញភារកិច្ចជាពលរដ្ឋល្អ និងជាគំរូដល់ល្អសម្រាប់កូនៗ ពេលពួកគេបានឃើញទង្វើបែបនេះ។ ណាមួយពេលចុងសប្ដាហ៍ គួរតែបង្ហាត់បង្រៀនកូនៗខ្លះពីជំនាញដែលធ្លាប់មាន ឲ្យពួកគេទុកជាទុននាពេលអនាគត៕

ចុចអាន៖រៀបការរួចគួរចាត់ចែងលុយកាក់បែបណាទើបមិនជួបវិបត្តិ?

ប្រភព៖ fustany ប្រែសម្រួល៖ ទ្រី រ៉ាវី