ដល់ពេលផ្ដល់ក្ដីសុខខ្លួនឯងដោយគ្មានល័ក្ខខ័ណ្ឌ មនុស្សគ្រប់គ្នាត្រូវតែធ្វើ

2017-12-02 01:41:58
ចំនួនមតិ 0 | ចំនួនចែករំលែក 0

បើអ្នកកំពុងតែស្រលាញ់គេខ្លាំងរហូតភ្លេចស្រលាញ់ខ្លួនឯងនោះ គួរតែដល់ពេលងាកមកចាប់អារម្មណ៍លើខ្លួនឯងវិញម្ដង។ ដោយប្រើតាមជំហ៊ានទាំង ៦ នេះ ហើយពេលនោះក្ដីសុខនឹងមានពេញលេញ៖

១.បញ្ឈប់ការរិះគន់ខ្លួនឯង៖ នេះជាជំហានដំបូងដើម្បីជួយឲ្យខ្លួនមានសេចក្ដីសុខ ក៏ដូចជា បង្ហាញថាអ្នកស្រលាញ់ខ្លួនឯងគ្រប់គ្រាន់ ដោយការរក្សាទំនាក់ទំនងល្អៗ ហើយបើមិនល្អបោះចោលទៅ។ មួយវិញទៀតត្រូវយកចិត្តទុកដាក់ចំពោះសុខភាពខ្លួនឯងបំផុត នេះទើបគេហៅថាស្រលាញ់ខ្លួនឯង។

២.ធ្វើបញ្ជីឈ្មោះរបស់ដែលខ្លួនស្រលាញ់៖ ជាអកុសលមនុស្សជាច្រើនមិនអាចតស៊ូ ដើម្បីបំពេញបញ្ជីឈ្មោះទាំងនោះបានទេ។ ព្រោះ គេព្យាយាមបំពេញសេចក្ដីត្រូវការអ្នកដទៃច្រើនជាង ដែលនេះគេហៅថាការមិនស្រលាញ់ខ្លួនឯង។ ចាប់ពីពេលនេះអ្នកគួរតែផ្ដល់ក្ដីសុខដល់ផ្លូវចិត្ត និងកាយដោយស្វះស្វែងរករបស់ខ្លួនស្រលាញ់មកជារបស់ខ្លួនឲ្យបាន បែបនេះទើបគេហៅថាការស្រលាញ់ខ្លួនឯង។

៣.អនុញ្ញាតឲ្យអតីតកាលដើរចេញទៅ៖ អ្វីដែលបានកន្លងហើយ ឲ្យវាទៅផុតចុះ ផ្តោតលើបច្ចុប្បន្ន និងអនាគតវិញទើបជីវិតប្រសើរជាង។ យកពេលវេលាព្យាបាលស្នាមរបួសរបស់អ្នក ហើយសុំជំនួយប្រសិនបើចាំបាច់ ដើម្បីបើកទំព័រ និងចាប់ផ្តើមជំពូកថ្មីនៃជីវិត។

៤.កុំខ្វល់សម្ដីអ្នកដទៃ៖ ត្រូវចាំថាគ្មាននរណាម្នាក់អាចទៅផ្គាប់ចិត្តមនុស្ស១ពាន់អ្នកបានទេ។ ដូចនេះហើយសម្ដីដែលមិនបានការ មិនបាច់យកមកទុកក្នុងចិត្ត ដើម្បីឲ្យគិតច្រើនអត់អំពើឡើយ។

៥.ឈប់ប្រៀបធៀប៖ ពេលខ្លះអ្នកបានស្គាល់ និងឃើញអ្វីដែលល្អតែរូបក្នុងបណ្ដាញសង្គម Facebook Instagram ច្រើន រហូតងាកមកមើលខ្លួនហើយ ថាគ្មានអ្វីសោះ។ នោះបើនៅបន្តប្រៀបធៀបបែបនេះ វានឹងជះឥទ្ធិពលដោយផ្ទាល់លើការរីកចម្រើនរបស់អ្នក។

៦.ឲ្យរង្វាន់ខ្លួនឯង ពីព្រោះអ្នកសមនឹងទទួលបានវា៖ ការស្រឡាញ់ខ្លួនឯងចាប់ផ្តើមដោយការអនុវត្ត វិធីបែបនេះ។ នៅពេលអ្នកសម្រេចបានលទ្ធផលតូចតាចក៏ដោយ ក៏គួរតែជូនសម្រាប់ខ្លួនឯងដែរ។ ព្រោះវាអាចលើកទឹកចិត្ត និង ឆាប់ជំរុញអ្នកឲ្យទៅដល់គោលដៅលឿន៕

ចុចអាន៖ការពិតទាំង ៧យ៉ាងមានតែអ្នកដែលមានជំងឺបាក់ទឹកចិត្តប៉ុណ្ណោះទើបយល់

ប្រភព៖ fustany ប្រែសម្រួល៖ ទ្រី រ៉ាវី