ការពិតទាំង ៧យ៉ាងមានតែអ្នកដែលមានជំងឺបាក់ទឹកចិត្តប៉ុណ្ណោះទើបយល់
- 2017-12-01 03:13:59
- ចំនួនមតិ 0 | ចំនួនចែករំលែក 0
ការពិតទាំង ៧យ៉ាងមានតែអ្នកដែលមានជំងឺបាក់ទឹកចិត្តប៉ុណ្ណោះទើបយល់
អ្នកដែលធ្លាប់មានជំងឺបាក់ទឹកចិត្តប្រាកដជាយល់ច្បាស់ណាស់ថាពេលនោះមានរឿងអីខ្លះកើតឡើង។ រឿងមួយចំនួនខាងក្រោមគឺមានតែអ្នកមានជំងឺបាក់ទឹកចិត្តប៉ុណ្ណោះដែលអាចយល់បាន ថាវាធ្ងន់ធ្ងរ និងពិបាកប៉ុណ្ណា ៖
១. តែងតែមិនចង់ងើបពីគ្រែ ចេញពីបន្ទប់
ក្នុងបន្ទប់ងងឹត នៅលើគ្រែគឺជាអ្វីដែលមនុស្សមានជំងឺនេះចូលចិត្តបំផុត។ យើងមិនចង់ងើបចេញ រឹតតែមិនចង់ត្រូវពន្លឺថ្ងៃ គ្រាន់តែចង់សម្ងំម្នាក់ឯងប៉ុណ្ណោះ។
**២. គិតថាខ្លួនឯងគ្មានបានការ និងអស់សង្ឃឹមខ្លាំងក្នុងជីវិត**
ខ្លួនឯងល្អមិនគ្រប់គ្រាន់ពូកែមិនគ្រប់គ្រាន់ ហើយតែងតែមានគំនិតថាខ្លួនឯងអត់ប្រយោជន៍ គ្មានអ្នកត្រូវការ។ យើងមានអារម្មណ៍ថាអស់សង្ឃឹម និងគ្មានកម្លាំងបន្តទៅមុខទៀតឡើយ។
៣. ពិបាកចិត្តស្ទើររាល់ថ្ងៃ និងពេលខ្លះយំដោយគ្មានមូលហេតុ
ពេលគេសួរថា «ហេតុអីពិបាកចិត្ត?» យើងក៏មិនដឹងប្រាប់គេថាម៉េច ព្រោះគ្មានរឿងអីសោះយើងក៏ពិបាកចិត្ត។ ពេលខ្លះទៀតឈានទៅដល់ការយំដោយមិនមានរឿងអីកើតឡើងសោះ។
៤. មិនចង់ចេញក្រៅជួបអ្នកណា ឬនិយាយជាមួយអ្នកណាទាំងអស់
នរណាក៏មិនចង់ជួយ នរណាក៏មិនចង់និយាយជាមួយ និយាយគឺសឹងតែផ្ដាច់ខ្លួនចេញពីគេគ្រប់គ្នា ហើយចង់នៅស្ងប់ស្ងាត់តែឯង។
៥. ឃើញគេល្អជាងខ្លួនឯងគ្រប់យ៉ាង
គំនិតដែលទម្លាក់ខ្លួនឯងថាអន់នៅតែអណ្ដែតពេញខួរក្បាល ហើយមើលឃើញអ្នកដទៃល្អជាងខ្លួនឯងរហូត។
៦. ពេលខ្លះអាចនឹងមានគំនិតចង់សម្លាប់ខ្លួន ឬរត់ទៅឆ្ងាយ
ពេលជំងឺនេះអាចឲ្យយើងមានគំនិតឆ្កួតឡប់ចង់សម្លាប់ខ្លួនដើម្បីឲ្យផុតពីការពិបាកចិត្ត ឬពេលខ្លះចង់រត់ចេញពីផ្ទះទៅកន្លែងណាដែលឆ្ងាយជាដើម។
៧. ជីវិតពោរពេញដោយការស្មុគស្មាញ និងឈឺចាប់
មិនអាចរកពេលវេលាដែលរីករាយបាន ហើយរឹតតែគ្មានសេចក្ដីទោះបីស្ថិតក្នុងបរិយាកាសរីករាយក៏ដោយ។
បើអាចដើរឆ្លងជំងឺនេះបាន យើងគួរតែដើរឲ្យផុត ព្រោះជំងឺនេះមិនមែនងាយព្យាបាលឡើយ វាទាមទារការថែទាំ នៅក្បែរ និងលើកទឹកចិត្តខ្លាំងណាស៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
