តម្រូវការធំៗទាំង៥របស់ប្ដីទូទៅ បើប្រពន្ធធ្វើបានធានាថាប្ដីស្រឡាញ់ងប់
- 2017-11-23 02:14:36
- ចំនួនមតិ 0 | ចំនួនចែករំលែក 0
តម្រូវការធំៗទាំង៥របស់ប្ដីទូទៅ បើប្រពន្ធធ្វើបានធានាថាប្ដីស្រឡាញ់ងប់
ចំណុចពិសេសដែលជួយឲ្យជីវិតអាពាហ៍ពិពាហ៍របស់អ្នកទទួលបានជោគជ័យ គឺភាពមិនអាត្មានិយម។ ប្រសិនបើអ្នកអាចគិត ឬបំពេញតម្រូវការរបស់ដៃគូរបស់អ្នកមុនខ្លួនឯង ធានាថាជម្លោះ ការខ្វែងគំនិតឬភាពរកាំរកូសក្នុងគ្រួសារ ពិតជាមិនសូវកើតឡើយទេ។ ដើម្បីទុកជាចំណេះដឹងសម្រាប់នារីៗដែលមានគ្រួសារហើយ ខាងក្រោមនេះជាតម្រូវការមូលដ្ឋានទាំង៥ ដែលមនុស្សប្រុសភាគច្រើនចង់បាន ពីប្រពន្ធរបស់ខ្លួន៖
**១. ដៃគូកំសាន្ត**
ទោះបីអ្នកទាំងពីរមានចំណង់ចំណូលចិត្ត ការកម្សាន្តខុសគ្នាដាច់ ប៉ុន្តែមនុស្សប្រុសពិតជាចង់ឲ្យប្រពន្ធខ្លួនកំដរពេលគាត់ ទៅលេងទាត់បាល់ មើលប្រដាល់ ឬស្ទូចត្រី។ អ្នកត្រូវហ៊ានលះបង់ពេលវេលាខ្លះ កំដរគាត់ធ្វើរឿងដែលគាត់ចូលចិត្ត ក្រោមយកគាត់ប្រហែលអាចកំដរអ្នកធ្វើរឿងដែលអ្នកចូលចិត្តវិញម្តង។
២. តម្រូវការរឿងលើគ្រែ
វាជារឿងសំខាន់ណាស់សម្រាប់ជីវិតប្តីប្រពន្ធ។ ភាពស្និទ្ធស្នាល ល្អូកល្អិន ធ្វើឲ្យសម្ពន្ធភាពរវាងអ្នកទាំងពីរនៅតែស្អិតល្មួត ទោះបីរៀបការប៉ុន្មានឆ្នាំហើយក៏ដោយ។ ម៉្យាងទៀត បើអ្នកអាចបំពេញតម្រូវការឲ្យគ្នាបានប្រសើរ នោះរឿងផិតក្បត់ ក៏មិនងាយកើតឡើយចំពោះគ្រួសារអ្នកដែរ។
៣. ការសរសើរ
ទោះបីរវល់ប៉ុណ្ណា អ្នកត្រូវឧស្សាហ៍សរសើរ និងលើកទឹកចិត្តប្តី ចំពោះការខិតខំប្រឹងប្រែង ក្នុងការផ្គត់ផ្គង់ជីវភាពគ្រួសារ។ សេចក្ដីត្រេកអរ របស់អ្នក ពិតជាធ្វើឲ្យគាត់សប្បាយចិត្ត ព្រោះមនុស្សប្រុសណាក៏ចង់ធ្វើជាវីរបុរស សម្រាប់គ្រួសាររបស់ខ្លួនដែរ។
៤. ការចាត់ចែងរឿងក្នុងផ្ទះ
ពេលត្រលប់មកពីធ្វើការ ឃើញផ្ទះមានរបៀប ស្អាត មានម្ហូបឆ្ងាញ់ចាំទទួល មនុស្សប្រុសណាដែលថាមិនសប្បាយចិត្ត។ ទោះបីអ្នកជាគូស្នេហ៍សម័យថ្មី ដែលបែងចែកតួនាទីធ្វើការងារផ្ទះស្មើគ្នាក្តី ប្រសិនអ្នកអាចជ្រើសរើសចាត់ចែងរឿងចង្ក្រាន ចានឆ្នាំង ផ្ទះសំបែង កូនចៅ បានល្អ វាពិតជារឿងប្រពៃណាស់សម្រាប់ប្តីអ្នក។
៥. ប្រពន្ធស្អាត ទាក់ទាញ
ប្រពន្ធដែលចេះតប់តែងខ្លួនស្រស់ស្អាត គឺមិនងាយធ្វើឲ្យប្តីរសាយចិត្តស្រលាញ់ហើយ។ ពេលបណ្ដើរគ្នាទៅណាមកណា គេសរសើរថាប្រពន្ធស្អាត ប្តីណាដែលថាមិនរំភើប មិនញញឹម ដូច្នេះកុំគិតថាក្លាយជាប្រពន្ធគេហើយ ឈប់ខ្វល់ មិនដឹងធ្វើខ្លួនឲ្យអ្នកណាមើលទៀត។ អ្នកត្រូវបញ្ឈប់ការគិតបែបនេះភ្លាម ៕