គន្លឹះ ៥ យ៉ាងរៀបចំសប្តាហ៍ថ្មីឱ្យរីករាយនិងស្រស់ស្រាយបំផុត

2017-11-20 05:51:42
ចំនួនមតិ 0 | ចំនួនចែករំលែក 0

ចាប់ផ្តើមសប្តាហ៍ថ្មីគឺហាក់បីដូចជាចាប់ផ្តើមទំព័រជីវិតថ្មីអ៊ីចឹង ប្រសិនបើអ្នកដឹងពីគន្លឹះនៃការរៀបចំនោះអ្នកនឹងមានអារម្មណ៍ថាស្រស់ស្រាយ រីករាយនិងពោរពេញទៅដោយភាពជឿជាក់។ ខាងក្រោមនេះគឺជាគន្លឹះទាំង ៥ យ៉ាងដែលជួយអ្នកឱ្យទទួលបានរីករាយសម្រាប់សប្តាហ៍ថ្មីនៃខែវិច្ឆិកានេះ៖

១. ចាប់ផ្តើមពីកន្លែងដែលអ្នករស់នៅ៖ ត្រូវរៀបចំកន្លែងរស់នៅរបស់អ្នកឱ្យមានសណ្តាប់ធ្នាប់ជាមុនសិន។ នៅក្នុងបន្ទប់គេងត្រូវតែមានរបៀបរៀបរយមិនរញ៉េរញ៉ៃ។ សូម្បីតែតុធ្វើការក៏ត្រូវរៀបចំឯកសារឱ្យបានល្អដែរ កុំឲ្យមានសំរាមឬកម្ទេចកំទីក្រដាសនៅលើតុទេ។

២. រៀបចំកាលវិភាគ៖ មិនបាច់ធ្វើវាឱ្យលម្អិតពេកក៏បានដែរ គ្រាន់តែកត់ទុកចំនុចធំៗដែលអ្នកគ្រោងនឹងធ្វើ ដើម្បីជៀសវាងកុំឱ្យភ្លេចមុខភ្លេចក្រោយ។

រូបតំណាង

**៣.រំឮកខ្លួនឯងពីគោលដៅជីវិត៖** គោលដៅក្នុងជីវិតរបស់អ្នកគឺជាអ្វីដែលជម្រុញទឹកចិត្តឱ្យអ្នកធ្វើរឿងគ្រប់យ៉ាងដូចសព្វថ្ងៃនេះ ដូច្នេះមិនថាថ្ងៃណាដែលអ្នកពិបាកចិត្ត តានតឹង ចូររំឮកខ្លួនឯងថាត្រូវតែខំប្រឹងដើម្បីអ្វីដែលជាក្តីស្រមៃមួយនោះ។ គោលដៅជីវិតរបស់អ្នក ប្រៀបដូចជាកម្លាំងជម្រុញចិត្តដ៏មហាវិសាល នៅពេលដែលគិតដល់វាអ្នកច្បាស់ជាមានស្នាមញញឹមជាមិនខានដរាបណាអ្នកមិនមានការបាក់ទឹកចិត្ត។

៤. ដើរទិញរបស់ដែលត្រូវការ៖ សាកគិតទៅមើល របស់អ្វីខ្លះដែលអ្នកត្រូវការវាចាំបាច់សម្រាប់ប្រើប្រាស់ប្រចាំថ្ងៃ? កុំច្រលំណា របស់ដែលយើងចង់បាននិងរបស់ដែលយើងត្រូវការ គឺវាខុសគ្នា។

៥. រកអ្វីដែលជាការជម្រុញទឹកចិត្ត៖ ជឿថាមនុស្សយើងនរណាៗក៏មានថ្ងៃបាក់ទឹកចិត្តដែរ ដូច្នេះអ្នកអាចសាកស្វែងរកគំនិត ឬវីដេអូផ្សេងៗ ឬពាក្យសម្តីរបស់បុគ្គលជា Idol របស់អ្នក ដើម្បីជាការលើកទឹកចិត្ត។ ការអានសៀវភៅក៏ជាវិធីសាស្ត្រមួយដែលពេញនិយមផងដែរ ប៉ុន្តែចូរស្វែងរកប្រភេទសៀវភៅណាដែលអ្នកចូលចិត្ត៕