ការញ៉ាំហឹរ មានគុណប្រយោជន៍ចំពោះសុខភាពអស្ចារ្យបំផុត!

2017-11-16 06:38:12
ចំនួនមតិ 0 | ចំនួនចែករំលែក 0

ប្រជាជនអាស៊ីយើងភាគច្រើនចូលចិត្តអាហារដែលមានរសជាតិហឹរ ព្រោះវាឆ្ងាញ់ និងធ្វើឲ្យញ៉ាំហើយចង់ញ៉ាំទៀត។ អ្នកខ្លះនិយាយថា បើអត់ហឹរគឺអត់ចង់ញ៉ាំតែម្ដង តែពួកគេមិនបានចាប់ អារម្មណ៍ទេថា អាហារមានរសជាតិហឹរមានគុណសម្បត្តិច្រើនយ៉ាងដល់សុខភាព ចំពោះអ្នកញ៉ាំនឹកស្មានមិនដល់ដូចជា៖

១.ស្រកទម្ងន់

ស្រីៗចូលចិត្តញ៉ាំហឹរឮហើយប្រាកដជាសប្បាយចិត្តជាក់មិនខាន។ ការពិតណាស់ ការញ៉ាំអាហារហឹរ ជួយឲ្យស្រកទម្ងន់ ហើយបើពន្យល់តាមបែបវិជ្ជាសាស្ត្របង្ហាញថាការបែកញើសក្រោយញ៉ាំអាហារហឹរ បានមកពីចលនានៃបេះដូងលោតលឿន។ ដូចនេះវាជួយក្នុងការដុតបំផ្លាញកាឡូរីបានយ៉ាងឆាប់រហ័ស ហើយធ្វើឲ្យស្រកទម្ងន់។

រូបតំណាង

**២.ញ៉ាំហឹរជួយការពារជំងឺមហារីក**

គ្រឿងផ្សំដែលមានរសជាតិហឹរ ដូចជា ម្រេច ម្ទេស ខ្ញី និងរមៀតជាដើមសុទ្ធតែមានគុណសម្បត្តិបង្ការជំងឺមហារីក។ វាអាចពន្យឺត និងកម្ចាត់កោសិកាមហារីកដែលរីករាលដាល់ស្ងាត់ៗក្នុងខ្លួនយើងបាន។

៣.ជំនួយបេះដូង

សារជាតិ Capsaicin ដែលមានផ្ទុកក្នុងគ្រឿងផ្សំហឹរដូចជាម្រេច និងម្ទេស មានគុណប្រយោជន៍ណាស់ ចំពោះសុខភាពបេះដូង។ ព្រោះវាកាត់បន្ថយកូលេសស្តេរូលដែលបង្កឲ្យមានខ្លាញ់កកក្នុងបេះដូង មិនត្រឹមតែប៉ុណ្ណោះវាជួយ សម្រួលសរសៃឈាមឲ្យចរន្តឈាមដើរស្រួលទៀតផង។

៤.បន្លែហឹរមានវីតាមីនល្អៗសម្រាប់រាងកាយ

សាច់ម្ទេសសំបូរទៅដោយជាតិវីតាមីនសេ ដែលល្អដល់សុខភាព និងសម្រស់ណាស់ជាពិសេសនារី។ វីតាមីនសេជួយឲ្យស្បែកភ្លឺរលោង មិនស្លេកស្លាំង ហើយវាក៏ជួយសម្រួលចរន្តឈាមឲ្យដើរស្រួលផងដែរ៕