អ្នកចូលចិត្តញ៉ាំអយស្ទ័រ នឹងភ្ញាក់ផ្អើលបើបានដឹងពីប្រយោជន៍របស់វាចំពោះសុខភាព

2017-11-08 09:40:28
ចំនួនមតិ 0 | ចំនួនចែករំលែក 0

បច្ចុប្បន្នយើងឃើញគេពេញនិយមជាមួយការទទួលទានអយស្ទ័រណាស់ តែអ្នកទាំងអស់គ្នាបានដឹងពីអត្ថប្រយោជន៍របស់វាហើ់យឬនៅ? បើមិនទាន់ដឹងទេ អ៊ីចឹងមកអានចំនុចទាំង ៦ ខាងក្រោមនេះ៖

១. ជួយសម្រកទម្ងន់៖ អយស្ទ័រក្នុងមួយខាំមានផ្ទុកប្រូតេអ៊ីន ១១,១ ក្រាម ដែលវាអាចជំនួសតម្រូវការប្រូតេអ៊ីនរបស់រាងកាយបាន ១៧ ភាគរយ។ វាក៏មានផ្ទុកសារធាតុ Metabolic ដែលមាននាទីពន្លឿនការរំលាយអាហារផងដែរ។

២. ជួយសុខភាពផ្លូវភេទ៖ វីតាមីនសេ និងជាតិស័ង្កសីដែលមានក្នុងអយស្ទ័រ ធ្វើឱ្យបុរសមានចំណង់ផ្លូវភេទខ្ពស់។

រូបតំណាង

៣. អំណោយផលសម្រាប់ការមករដូវ៖ ការបរិភោគអយស្ទ័រធ្វើឱ្យស្រ្តីជៀសឆ្ងាយពីអាការៈស្លេកស្លាំងក្នុងអំលុងពេលមករដូវ ជាពិសេសវាមានផ្ទុកជាតិដែកដែលជួយបង្កើនគោលិកាឈាមក្រហមក្នុងរាងកាយស្ត្រី។

៤. សម្រួលចង្វាក់បេះដូង៖ នៅពេលដែលកូឡេស្តេរ៉ូលកើនឡើង គេតែងតែភ័យខ្លាចបំផុតថាវានឹងប៉ះពាល់ដល់សុខភាពបេះដូង។ អាស៊ីតអាមីណូ (Amino Acid) និង លីសែន (Lysine) នៅក្នុងអយស្ទ័រមាននាទីបង្កើតសមាសធាតុ Carnitine ដែលជួយកាត់បន្ថយកម្រិតកូឡេស្តេរ៉ូលក្នុងសរសៃឈាម។

៥. ពង្រឹងប្រព័ន្ធស៊ាំរាងកាយ៖ អយស្ទ័រមានផ្ទុកជាតិដែកដែលជួយការពារប្រព័ន្ធស៊ាំនៃរាងកាយ ប្រសិនបើអ្នកកំពុងមានរបួស វាជួយការពារអ្នកមិនឱ្យមានអាការៈក្តៅខ្លួន ឬដំបៅក្លាយ។

៦. ជំនួយខួរក្បាល៖ វីតាមីនបេ មាននាទីជួយដល់ប្រព័ន្ធប្រសាទ និងសមត្ថភាពនៃការគិត៕

ចុចអាន៖រូបរាងមិនសូវបានមែនតែម្នាស់មានប្រយោជន៍មិនគួរឲ្យជឿ

ប្រភព៖ curejoy ប្រែសម្រួល៖ អ៊ុង រ័ត្នបញ្ញា