មានតែស្រីម៉ាប់ៗទើបដឹងពីការរំខាន ៥ យ៉ាងនេះ ពេលស្លៀកពាក់

2017-11-06 05:19:13
ចំនួនមតិ 0 | ចំនួនចែករំលែក 0

ស្រីៗមានសាច់ទ្រលុកទ្រលន់ភាគច្រើនច្បាស់ជាធ្លាប់ជួបការរំខានពីការស្លៀកពាក់ ឬការទិញសំលៀកបំពាក់ដើម្បីឲ្យសាកសមនឹងដងខ្លួនជាក់ជាមិនខាន។ ការរំខានទាំងនេះមានតែពួកស្រីៗម៉ាប់ៗទេ ទើបយល់៖

១.ទិញខោអាវទំហំអស់លេខ

រាល់ពេលត្រូវការចូលរួមកម្មវិធីជប់លៀង ឬសូម្បីតែខោអាវសម្រាប់ពាក់ប្រចាំថ្ងៃ គឺត្រូវការទំហំធំបំផុត។ ពេលខ្លះខោអាវម៉ូដដែលយើងស្រលាញ់គ្មានលេខធំឬអស់លេខតែម្ដង ធ្វើឲ្យរំខានចិត្តមិនតិចទេ។

២.អាវរឹបរាង

អាវរឹបរាងពាក់ទៅបង្ហាញពីរាងរៅ និងភាពជឿជាក់របស់ស្ត្រី។ មានមនុស្សជាច្រើនឲ្យយោបល់ថាពាក់អាវរឹបរាងមើលទៅឃើញដងខ្លួនតូចជាងមុន ហើយទាក់ទាញទៀតផង តែនោះសម្រាប់នារីមាឌតូចៗប៉ុណ្ណោះ អ្នកធាត់ពាក់ទៅច្បាស់ជាបញ្ចេញផ្នត់ក្បាលពោះទាំង៣កង់ជាក់ជាពុំខាន។ ដូច្នេះហើយទើប្រតូវបង្ខំចិត្តពាក់អាវរលុងៗដូចទីងមោង។

រូបតំណាង

**៣.ស្លៀកពាក់ល្មមតាមផ្នែក**

ពេលខ្លះពេលស្លៀកពាក់ទៅឃើញថាល្មមផ្នែកខ្លះ តែតឹងណែននៅផ្នែកខ្លះទៀត។ បណ្ដាលឲ្យពេលធ្វើដំណើរ ឬធ្វើចលនាឲ្យរហែកសំលៀកបំពាក់ជាដើម។

៤.បែកញើសក្លៀក

មនុស្សធាត់ឆាប់ហត់ ហើយឆាប់បែកញើស។ រាល់ពេលដែលធ្វើចលនាដូចជាដើរ ឬរត់អីតិចតួចគឺឆាប់ហត់ ហើយបែកញើសក្លៀកប្រឡាក់អាវដែលគួរឲ្យរំខានបំផុត។

៥.ខោ ឬសំពត់ស៊ីគូទ

ធម្មតាមនុស្សធាត់តែងសំបូរខ្លាញ់ត្រង់ គូទ ត្រគាក ដើមទ្រូងនិងកន្លែងផ្សេងៗទៀតដែលជាហេតុពេលធ្វើដំណើរវាកកិតគ្នា ហើយទាញសំពត់អាវចូលប្រឡោះនោះយ៉ាងដូច្នេះ។ វារំខានខ្លាំងបំផុតព្រោះរាល់ពេលយើងដើរគឺត្រូវទប់ ឬទាញក្រណាត់ចេញយ៉ាងអាម៉ាស់៕