កំហុសឆ្គង ១១ចំណុច ធ្វើឲ្យការស្លៀកពាក់របស់អ្នកមើលទៅភ្លាវ និងអត់ជាតិ
- 2017-11-02 01:48:00
- ចំនួនមតិ 0 | ចំនួនចែករំលែក 0
កំហុសឆ្គង ១១ចំណុច ធ្វើឲ្យការស្លៀកពាក់របស់អ្នកមើលទៅភ្លាវ និងអត់ជាតិ
សម្រាប់មនុស្សស្រីសម័យទំនើប ចំណេះដឹងខាងការស្លៀកពាក់ គឺជារឿងសំខាន់។ ដើម្បីតុបតែងខ្លួនឲ្យស្អាត ត្រូវជាមួយបរិបទណាមួយ មានគន្លឹះ និងរូបមន្តជាច្រើនដែលអ្នកត្រូវសិក្សាស្វែងយល់។ ជាក់ស្តែង ខាងក្រោមជាកំហុស១១ចំណុច ដែលអ្នកគួរចៀសវាង ប្រសិនបើមិនចង់បាត់បង់ភាពទាក់ទាញដោយសារការស្លៀកពាក់៖
១. ស្បែកជើងរាបស្មើ ជាមួយសម្លៀកបំពាក់ការិយាល័យ
ស្បែកជើងប្រភេទនេះធ្វើឲ្យជើងរបស់អ្នកមើលឃើញធំ ដូច្នេះអ្នកគួរតែជ្រើសរើសស្បែកជើងកែងខ្ពស់ទើបសក្ដិសម។
២. អាវវែងគ្របចង្កេះខោខោវប៊យ
ស្លៀកបែបនេះធ្វើឲ្យដងខ្លួនរបស់អ្នកមើលឃើញវែងខ្លាំង។ បើអ្នកមានរាងវែងស្រាប់ គួរស្លៀកបែបតឺនុយវិញ។
៣. កាបូបធំស្ពាយចូលរួមកម្មវិធី
អ្នកគួរប្រើកាបូបតូចៗវិញ សម្រាប់ទៅក្លឹប ភោជនីយដ្ឋាន ឬកម្មវិធីនានា។
៤. ស្បែកជើងកវែង ជាមួយសំពត់ខ្លី
ស្បែកជើងប្រភេទនេះរឹតតែធ្វើឲ្យជើងរបស់អ្នកខ្លី ដូច្នេះអ្នកមិនគួរពាក់វាជាមួយគ្នាទេ។
៥. ស្លៀកខោអាវរលុងៗព្រមគ្នា
ស្លៀកបែបនេះ នឹងធ្វើឲ្យអ្នកបាត់បង់សម្រស់នៃរាងដងខ្លួនទាំងមូល។
៦. ខោខ្លី ជាមួយខោរឹបជើងវែង
បើស្លៀកខោខ្លី អ្នកមិនគួរបន្ថែមអ្វីពីលើវាទៀតនោះទេ។
៧. សំពត់ប៉ោងខ្លី
បើអ្នកធ្វើចលនាច្រើន វាមិនមែនជាជម្រើសល្អនោះទេ។ មួយវិញទៀត សំពត់បែបនេះគឺរើសរាងអ្នកស្លៀកខ្លាំងណាស់។
៨. ស្បែកជើងរលុង
ពេលទៅផ្សាអ្នកគួរទិញស្បែកជើងមុនគេ ព្រោះនៅពេលអ្នកដើរយូរជើងរបស់អ្នកអាចហើម ដែលធ្វើឲ្យអ្នកពាក់ទៅរលុងនៅពេលក្រោយ។
៩. អាវរឹប ក
អ្នកត្រូវប្រយ័ត្ន អាវប្រភេទនេះធ្វើឲ្យករបស់អ្នកមើលឃើញខ្លី។ បើអ្នកចង់បិតបាំងក អ្នកអាចប្រើកន្សែងបង់ក ជំនួសវិញក៏បាន។
១០. ខោខោវប៊យខុសទំហំចង្កេះ
សាច់ខោខោវប៊យ នឹងរលុងពេលស្លៀកយូរទៅ ដូច្នេះអ្នកគួរជ្រើសរើសខោដែលចង្អៀតបន្តិចពេលទិញ។
១១. ខ្សែអាវទ្រនាប់
បើអ្នកពាក់អាវវាលខ្នង ត្រូវប្រយ័ត្នកុំឲ្យចេញខ្សែអាវទ្រនាប់ឲ្យសោះ ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
