ផលលំបាក ៣យ៉ាងដែលមនុស្សមិនសូវចេះមាត់ជួបច្រើនក្នុងការរស់នៅក្នុងសង្គម

2017-11-01 02:23:13
ចំនួនមតិ 0 | ចំនួនចែករំលែក 0

មនុស្សពូកែអៀន (Introvert) ជាមនុស្សដែលមិនចូលចិត្តភាពអ៊ូអរ ឬការជួបជុំដែលមានមនុស្សច្រើនទេ។ ពួកគេច្រើនមានការលំបាកក្នុងទំនាក់ទំនងជាមួយមនុស្សថ្មីៗ។ ពេលទំនេរ ពួកគាត់ចូលចិត្តសម្ងំក្នុងផ្ទះ អានសៀវភៅ ស្តាប់ភ្លេង ឬធ្វើរឿងដែលជាចំណង់ចំណូលចិត្តរបស់ខ្លួនតែម្នាក់ឯង។ ខាងក្រោមនេះជាផលលំបាក៣យ៉ាង ដែលមនុស្សអៀនខ្មាសច្រើនតែងតែជួបប្រទះនៅក្នុងជីវិតរស់នៅប្រចាំថ្ងៃ៖

១. មិត្តភ័ក្ដិគិតថាមិនសូវចូលចិត្តខ្លួន

មនុស្សដែលអៀនខ្មាសច្រើន ប្រាកដជាមានការលំបាកក្នុងការនិយាយលេងសើច ឬបង្ហាញកាយវិការផ្អែមល្ហែម ជាមួយមិត្តភ័ក្ដិជុំវិញខ្លួនណាស់។ ហេតុនេះហើយទើបមិត្តភ័ក្ដិតែងគិតថាគាត់ជាមនុស្សសោះកក្រោះ មិនសូវសប្បាយរីករាយពេលទៅណាមកណាជុំគ្នា។

២. គេចវេះ ក្នុងការប្រាស្រ័យទាក់ទង

បើជៀសបាន ពួកគាត់មិនសូវចង់ទាក់ទង ឬសន្ទនាជាមួយអ្នកណាទេ។ ការសង្កេត ដើម្បីយល់ពីស្ថានការណ៍ ឬសកម្មភាពមនុស្សជុំវិញខ្លួន គឺជាជំនាញ និងចំណង់ចំណូលចិត្ត ដែលគាត់យកមកប្រើដើម្បីជំនួសការនិយាយស្តី។

៣. ស្អប់កម្មវិធីជប់លៀង ឬការដើរលេងយប់

បដិសេធការបបួលចេញក្រៅរបស់មិត្តភ័ក្ដិ ដើម្បីយកពេលដេកផ្ទះ។ ពួកគាត់មិនចាប់អារម្មណ៍ចំពោះការរាំ ច្រៀង ឫជួបមនុស្សប្លែកៗ ក្នុងកម្មវិធីជប់លៀងអ្វីឡើយ។

មនុស្សម្នាក់ៗមានអត្តចរិត ចំណង់ចំណូលចិត្ត និងចំណុចខ្លាំងខ្សោយរៀងៗខ្លួន។ ដូច្នេះ ស្គាល់ខ្លួនឯង និងមនុស្សជុំវិញខ្លួនឲ្យបានច្បាស់ អ្នកនិងទទួលបានជោគជ័យ ក្នុងការរស់នៅក្នុងសង្គមយ៉ាងពិតប្រាកដ ៕

ប្រភព៖ Likelovequotes ប្រែសម្រួល៖ អូន បញ្ញា