បើមានបុរស ៤ ប្រភេទនេះសុំស្រលាញ់ ស្រីៗកុំព្រមឲ្យសោះ

2017-10-27 07:00:00
ចំនួនមតិ 0 | ចំនួនចែករំលែក 0

ទោះអត់អ្នកស្រលាញ់ក៏ដោយ ក៏មនុស្សស្រីមិនគួរជ្រើសរើសបុរស ៤ ប្រភេទនេះជាដៃគូដែរ ព្រោះអ្នកនឹងមានជីវិត សោកសៅនៅពេលក្រោយ។ តើប្រុស ៤ ប្រភេទនោះមានអ្វីខ្លះ បានជាមិនគួរឲ្យស្រលាញ់ តាមដានអត្ថបទខាងក្រោមនេះ៖

១.ចូលចិត្តគ្រប់គ្រងអ្នកដទៃ

ស្ត្រីត្រូវតែជៀសវាងបុរសដែលពូកែបញ្ជាអ្នកដទៃឲ្យធ្វើនេះធ្វើនោះមិនឈប់ ព្រោះគេក៏ចូលចិត្តគ្រប់គ្រងមនុស្សស្រីឲ្យធ្វើអ្វីតាមអំពើចិត្តគេដែរ។ មនុស្សប្រុសខ្លះចូលចិត្តចាត់ចែងតាំងពីការតែងខ្លួន និងរបៀបរបបរស់នៅរបស់នារីថែមទៀតផង ធ្វើឲ្យអ្នករស់នៅគ្មានសេរីភាពឡើយ។

រូបតំណាង

**២.បុគ្គលដែលមានសមត្ថភាពលើសគេឯងពេក**

ជាលក្ខណៈទូទៅមួយដែលត្រូវបានរកឃើញនៅក្នុងបុរស គឺត្រឹមល្អ និងពូកែល្មមៗទៅបានហើយ។ តែបើពូកែហួសហេតុពេក ពួកគេតែងទាមទារឲ្យដៃគូជាមនុស្សមានសមត្ថភាពដូចខ្លួន ទើបអាចចុះសម្រុងនឹងគ្នាបាន បើមិនដូចនោះទេខាងស្រីធ្វើអ្វីក៏មិនត្រូវចិត្តដែរ។

៣.មនុស្សប្រុសមានអំនួត

បុរសប្រភេទនេះ មិនអាចចុះសម្រុងជាមួយអ្នកដទៃឡើយ ហើយបើជ្រើសគេ នោះអ្នកប្រាកដជាមានបញ្ញាជាមួយអ្នកផ្ទះ។ ព្រោះមនុស្សចាស់មិនពេញចិត្តមនុស្សប្រុសចរិតបែបនោះឡើយ ពួកគាត់ចូលចិត្តអ្នកដាក់ខ្លួន និងចេះឱនលំទោន។

៤.អ្នកមានទ្រព្យសម្បត្តិច្រើនជាងខ្លួនពេក

មនុស្សជាច្រើនពិតជាគិតថា នោះជាចម្លើយមិនពិត ព្រោះអ្នករាល់គ្នាចង់រស់នៅក្នុងជីវភាពដែលល្អជាងមនុស្សទូទៅ។ ប៉ុន្តែមានមនុស្សជាច្រើនដែលយកទិដ្ឋភាពសម្ភារៈនិយមនេះជាធំ និងទទួលរងសម្ពាធក្រោយពេលទាក់ទងគ្នា៕