៤ចំណុចត្រូវធ្វើឲ្យបានមុនរៀបការ ដើម្បីមិនឲ្យស្ដាយក្រោយ!

2017-10-19 04:24:58
ចំនួនមតិ 0 | ចំនួនចែករំលែក 0

មនុស្សភាគច្រើននិយាយថា រៀបការហើយនិងបាត់បង់សេរីភាព។ ជាការពិតណាស់ ថ្វីបើវាមិនពិតទាំងស្រុងមែន ប៉ុន្តែវាហាក់ដូចជាត្រឹមត្រូវខ្លះដែរ ព្រោះការរៀបការជាចំណងប្រាំប្រការ។ មានន័យថាអ្នកលែងនៅខ្លួនមួយដូចមុនទៀតហើយ ទំនួលខុសត្រូវ ក៏ច្រើនជាងមុន។ ហើយមុនពេលធ្វើឬក៏សម្រេចចិត្តលើរឿងអ្វីមួយគឺត្រូវតែគិតដល់គ្រួសារ ជាធំគ្រប់ពេល។ ដោយសារតែហេតុផលនេះហើយទើប មានរឿងខ្លះ គួរធ្វើអោយពេលមុនពេលរៀបការ ទើបយើងមិនស្ពាយក្រោយ។

១. ជ្រើសរើសការងារដែលអ្នកពេញចិត្ត

រូបតំណាង

ទាន់ខ្លួននៅលីវគួរធ្វើការងារអីដែលអ្នកចូលចិត្តបំផុត ដូចជាការងារ ត្រូវចេញទៅប្រជុំឆ្ងាយ ឬចុះបេសកកម្មអីជាដើម។ វាអាចជួយអ្នកឲ្យបានឆាប់ឡើងឋានៈ និងចំណេញបទពិសោធន៍ច្រើន។ ការងារនេះងាយស្រួលពេលយើងនៅទំនេរ ព្រោះថាបើមានប្ដី ច្បាស់ជាប្ដីមិនសប្បាយចិត្តនិងឲ្យការដាច់យប់ដូច្នេះទេ។

២.ធ្វើដំណើរកម្សាន្ត

រូបតំណាង

អ្នកខ្លះយល់ថាពេលមានប្ដីហើយចាំដើរ តែការគិតនេះខុស។ ពេលនៅលីវហ្នឹងហើយជាឱកាសល្អ ដើម្បីឲ្យបានចេញក្រៅដើរកម្សាន្ត។ ព្រោះពេលមានប្ដី អ្នកត្រូវយឹតយោងប្ដី ធ្វើយ៉ាងណាបានដើរទាំងពីរអ្នក។ វាពិបាកព្រោះថា ជួនកាលអ្នកទំនេរ តែប្ដីអ្នករវល់។ ហើយម្យ៉ាងទៀត ធ្វើដំណើរពីរអ្នកចំណាយអស់ច្រើនជាងម្នាក់។

៣.មើលថែរក្សាម៉ាក់ប៉ា

រូបតំណាង

មិនមែនមានន័យថាមានប្ដីហើយលែងមើលម៉ាក់ប៉ានោះទេ។ តែធម្មតាពេលមានគ្រួសារហើយ យើងច្បាស់ជារវល់ជាមួយនឹងពូកគេ ដូចនេះមិនសូវមានពេលវេលាជាមួយប៉ាម៉ាក់ដូចមុនឡើយ។ ដូច្នេះមុនពេលរៀបការ គួរណាស់ចំណាយពេល នៅជិតប៉ាម៉ាក់ និងមើលថែគាត់ឲ្យបានច្រើនតាមដែលអាចធ្វើបាន។

៤. គួររៀនឲ្យចេះចម្អិនអាហារ

រូបតំណាង

ស្រីៗភាគច្រើនសម័យនេះ មិនសូវចេះចម្អិនអាហារទេ ព្រោះខ្លះរវល់ធ្វើការងារ ខ្លះទៀតអាងម៉ាក់ជាអ្នកចម្អិន។ តែការចម្អិនអាហារវាមិនពិបាកទេ អ្នកអាចរៀននៅថ្ងៃចុងសប្ដាហ៍ក៏បាន។ ចេះចម្អិនអាហារពីពេលនេះទៅ នឹងធ្វើអោយមានភាពងាយស្រួលទៅថ្ងៃក្រោយ។ ព្រោះវាជាមន្តស្នេហ៍មួយរបស់នារី ហើយអ្នកមិនចាំបាច់ចំណាយលុយច្រើន ញ៉ាំអាហារខាងក្រៅ ដែលអាចប៉ះពាល់សុខភាពទៀតផង។

ដូច្នេះបើអាចធ្វើបានគួរតែធ្វើ ព្រោះពេលខ្លះក្រោយរៀបការស្ថានភាពអាចប្រែប្រួលក៏យើងមើលមិនឃើញ៕

ចុចអាន៖ទង្វើ៦យ៉ាងរបស់ភរិយាអាចសម្លាប់ចិត្តប្ដីមិនឱ្យមានស្រី សូម្បីតែគិត

ប្រភព៖ thoughtcatalog ប្រែសម្រួល៖ Pencharm