ដាក់របស់៤យ៉ាងនេះក្នុងទូទឹកកក ក្លិនអាក្រក់យ៉ាងណាក៏លែងមានដែរ

2017-10-06 07:29:31
ចំនួនមតិ 0 | ចំនួនចែករំលែក 0

មិនថាទូទឹកកកដែលយើងទើបទិញមកប្រើថ្មីៗ ឬប្រើយូរហើយ ក៏រមែងមានក្លិនផ្អួរនៅខាងក្នុង គ្រាន់តែថាទូទឹកកកថ្មីគ្រាន់តែធុំក្លិនប្លាស្ទិកខាងក្នុង ប៉ុន្តែបើក្លាស្សេរបស់យូរៗទៅ ក៏អាចមានក្លិនមិនល្អពីអាហារផ្សេងៗ ឬអាហារដែលទុកក្លាស្សេចោលរហូតដល់ខូច។ ប្រសិនបើអ្នកកំពុងមានបញ្ហាបើកទូទឹកកកពេលណាក៏មានក្លិន ទោះបីឧស្សាហ៍ជូតនិងរៀបចំស្អាតបាត កញ្ញា សូមណែនាំវិធីងាយៗនិងអស់លុយតិចដើម្បីបំបាត់ក្លិនទាំងនោះ ដោយប្រើវត្ថុចំនួន ៤យ៉ាងដូចខាងក្រោម៖

១. កាកកាហ្វេ

ដាក់កាកកាហ្វេក្នុងកូនចានរួចហើយយកទៅដាក់ក្លាស្សេក្នុងទូទឹកកកប្រមាណ ២ទៅ៣ថ្ងៃ។ កាកកាហ្វេនឹងជួយបឺតក្លិនឲ្យបាត់ពីទូ។ នៅពេលលែងធុំក្លិនសឹមយកកាហ្វេនោះទៅចោល។

២. ម្សៅសូដា (Baking Soda)

ដាក់ម្សៅសូដាក្នុងចានតូចមួយ ហើយដាក់ចូលក្នុងទូទឹកកក។ វានឹងជួយបឺតក្លិនអាក្រក់បានដូចគ្នា

៣. ធ្យូង

យកធ្យូងដុំតូចៗពីរបីដុំ ដាក់ក្នុងចានមួយរួចទុកក្នុងទូទឹកកក។ ធ្យូងនឹងធ្វើប្រតិកម្មហើយបឺតក្លិនស្អុយក្នុងទូទឹកកកឲ្យអស់។

៤. ក្រូចឆ្មារ

ពុះក្រូចឆ្មារជាពីរដាក់ក្នុងចាន រួចយកទៅដាក់ក្លាស្សេក្នុងទូទឹកក។ មិនត្រឹមតែជួយបណ្ដេញក្លិនស្អុយបានប៉ុណ្ណោះទេ ប៉ុន្តែក្លិនក្រូចឆ្មារនឹងជួយឲ្យទូទឹកកកមានក្លិនកាន់តែស្រស់ថ្លាផងដែរ ៕

ប្រភព៖ Mthai ប្រែសម្រួល៖ ស្វាយ វ៉ាន់ថន