មានត្រឹមកាហ្វេក៏អាចឲ្យនារីៗស្អាតបានមួយតួខ្លួនដែរ បើអនុវត្តតាមប៉ុន្មានចំណុចនេះ!
- 2017-10-04 08:04:58
- ចំនួនមតិ 0 | ចំនួនចែករំលែក 0
មានត្រឹមកាហ្វេក៏អាចឲ្យនារីៗស្អាតបានមួយតួខ្លួនដែរ បើអនុវត្តតាមប៉ុន្មានចំណុចនេះ!
កាហ្វេមិនត្រឹមតែជាភេសជ្ជៈដែលពេញនិយមសម្រាប់ការទទួលទាននោះទេ វាថែមទាំងមានប្រយោជន៍សម្រាប់ថែរក្សាសម្រស់ទៀតផងដែលអាចជួយឲ្យដល់ស្បែក ជម្រុះស្បែកដែលមានសភាពក្រិន ព្យាបាលសក់ ដូចខាងក្រោមនេះ ៖
១. ស្ក្រាបខាត់ស្បែកមុខ ៖ កាហ្វេអាចយកជាគ្រឿងផ្សំសម្រាប់ខាត់ស្បែកមុខ ព្រោះវាជួយជម្រុះកោសិកាដែលខូច និង ធ្វើឲ្យស្បែកមុខស ម៉ដ្ឋ រលោងដែលជាទីគាប់ចិត្តរបស់មនុស្សស្រី។
**២. ស្ក្រាបខាត់ប្រអប់ជើង និង កែងជើង ៖** ជើងដែលប្រេះ គ្រើម និង ខ្មៅ គឺកាហ្វេអាចជួយស្រោចស្រង់បានវិញ ដោយយកវាទៅខាត់នៅកែងជើង និង ប្រអប់ជើង។ វាជួយជម្រុះកោសិកាងាប់ និង ធ្វើឲ្យកន្លែងដែលក្រិនត្រឡប់មកស្រសើស្អាតវិញ
៣. ស្ក្រាបខាត់ស្បែកដងខ្លួន ៖ ដូចជាស្បែកមុខដែរ គឺយើងអាចលាយកាហ្វេសម្រាប់យកមកខាត់ស្បែក ដើម្បីឲ្យស្បែក ស ភ្លឺរលោង និងមានសំណើម។ អាចលាយជាមួយនឹងគ្រឿងផ្សំបានទៀតដើម្បីឲ្យរឹតតែឆាប់ទទួលផលលឿន។
៤. ព្យាបាលសក់ខូច ៖ កាហ្វេអាចប្រើសម្រាប់ព្យាបាលសក់ដែលខូច ជ្រុះបានយ៉ាងល្អ ព្រោះវជួយសម្អាតស្បែកក្បាល ធ្វើឲ្យស្បែកក្បាលមានសុខភាពល្អ ជួយពន្លឿន ការលូតលាស់នៃសក់ និង ធ្វើឲ្យសក់រឹងមាំ។
៥. ឡេសម្រាប់លាបខ្លួន ៖ ឡេដែលផ្សំឡើងពីកាហ្វេគឺមានជួយឲ្យស្បែកស្រស់ស្អាត និង ទទួលបានលទ្ធផលមិនគួរឲ្យជឿ ព្រោះអាចឲ្យស្បែកមានលក្ខណៈទន់ រលោង និង សម៉ត់ខៃតែម្ដង។
តោះ!សាកល្បងប្រើប្រាស់កាហ្វេសម្រាប់ថែរក្សាសម្រស់ទាំងអស់គ្នា ដើម្បីឲ្យដឹងថាវាមានប្រសិទ្ធភាពប៉ុណ្ណា៕