ការស្រឡាញ់ ៥ យ៉ាង មិនគួឲ្យកើតមានឡើងក្នុងជីវិតមនុស្សស្រី

2017-09-28 03:36:59
ចំនួនមតិ 0 | ចំនួនចែករំលែក 0

ការស្រឡាញ់គឺជាអារម្មណ៍ធម្មជាតិមួយដែលមនុស្សមិនអាចប្រកែកបាន ប៉ុន្តែយ៉ាងណាក៏ដោយមានករណីខ្លះអ្នកក៏មិនគួរឲ្យកើតមានដែរ ព្រោះវាជាកំហុសដាក់ទោសផ្លូវចិត្តមួយដែលជាហេតុនាំឲ្យមនុស្សមួយចំនួនមានវិប្បដិសារីក្នុងជីវិត។ ចំពោះការស្រឡាញ់ទាំង ៥ យ៉ាងខាងក្រោមនេះបើអាចចៀសបានគួរតែចៀស៖

១. ស្រឡាញ់មនុស្សខុស ៖ វាជាវិប្បដិសារីមួយដែលអ្នកមានក្នុងជីវិតស្នេហា ស្រឡាញ់មនុស្សខុសគឺជាកំហុសមួយ។ វាបានធ្វើឲ្យអ្នកបាត់បង់នៅយុវភាពដ៏ស្រស់បំព្រងមួយ រួចចូលខ្លួនទៅក្នុងភពងងឹងមួយអីចឹង ដូច្នេះហើយបើអ្នកដឹងថាកំពុងស្រឡាញ់មនុស្សខុសហើយគួរតែដកខ្លួនចេញទៅ។

រូបតំណាង

**២. ពេលស្រឡាញ់អ្វីៗក៏ល្អ ៖** ទោះអាក្រក់ប៉ុណ្ណា ក៏នៅតែឃើញគេល្អ ហើយនៅតែចង់ចូលក្នុងជីវិតគេ។ ទោះបីជាស្រឡាញ់គេប៉ុណ្ណាក៏ដោយអ្នកក៏គួរតែយកខួរក្បាលមកពិចារណាផង កុំបណ្ដោយតាមបេះដូងពេក ព្រោះវាអាចឲ្យអ្នកដើរផ្លូវខុសដោយគ្មានអ្នកណាអាចស្រោចស្រង់បាន។

៣. លង់ចិត្តស្រឡាញ់លើមនុស្សដែលមិនបានសូម្បីតែយកភ្នែកមើលអ្នក ៖ វាជាកំហុសមួយក្នុងលក្ខណ្ឌស្នេហា ព្រោះអ្នកបានធ្វើបាបផ្លូវចិត្តខ្លួនឯងទាំងគ្មានបានអីតបស្នងមកវិញសោះក្រៅពីការដេកយំ ដេកនឹកគេ។ បើអ្នកកំពុងស្ថិតក្នុងស្ថានភាពបែបនេះ អ្នកគួរតែរកវិធីកាត់ចិត្ត និងដើរចេញទៅ ព្រោះនៅកាន់តែយូរការឈឺចាប់នឹងកាន់តែខ្លាំង។

រូបតំណាង

៤. អ្នកមិនដឹងថាខ្លួនឯងចង់បានអីឲ្យប្រាកដ ៖ ស្រឡាញ់អ្នកណាក៏អ្នកមិនដឹង ចង់បានអីក៏អ្នកមិនដឹង រួចបណ្ដោយចិត្តឲ្យធ្វើនេះធ្វើនោះដោយគ្មានភាពប្រាកដប្រជាជាមួយស្នេហា វាជារឿងមួយដែលអ្នកមិនត្រូវឲ្យកើតឡើងឡើយ។ ចាំច្បាស់ខ្លួនឯង ចាំទទួលយកនរណាម្នាក់ កុំព្យាយាមធ្វើបាបគេដើម្បីក្ដីសុខខ្លួនឯង។

៥. ស្រឡាញ់គេរហូតភ្លេចខ្លួនឯង ៖ ស្រឡាញ់អ្នកណាក៏ដោយក៏មិនគួរបណ្ដោយរហូតភ្លេចខ្លួនឯងដែរ មិនគួរស្រឡាញ់រហូតគ្មានគេរស់មិនបាននោះទេ ត្រូវរក្សាចិត្តមួយស្រឡាញ់ខ្លួនឯង មើលថែខ្លួនឯងពេលគេមិននៅ។ បើអ្នកធ្វើបាបខ្លួនឯងដោយសារមនុស្សម្នាក់ដែលចាកចេញពីអ្នកនោះ អ្នកពិតជាអកត្តញ្ញូណាស់ ព្រោះរូបរាងអ្នកគឺឪពុកម្ដាយខំផ្ដល់ឲ្យ តែបែរជាមកបំផ្លាញដោយសារស្នេហាវិញ។