មនុស្សស្រីជោគជ័យ តែងមានទម្លាប់ ៦ យ៉ាងនេះមុនពេលចូលគេង
- 2017-09-14 12:00:00
- ចំនួនមតិ 0 | ចំនួនចែករំលែក 0
មនុស្សស្រីជោគជ័យ តែងមានទម្លាប់ ៦ យ៉ាងនេះមុនពេលចូលគេង
ទម្លាប់ខ្លះនាំយើងទៅរកជោគជ័យ ហើយទម្លាប់ខ្លះទៀតគឺនាំយើងដើរថយក្រោយ ដូច្នេះយើងត្រូវចេះបែងចែកវា ហើយបោះចោលនូវទម្លាប់អាក្រក់ និង ចាប់យកទម្លាប់ល្អដើម្បីអភិវឌ្ឍខ្លួនឲ្យកាន់តែខ្ពង់ខ្ពស់។ សម្រាប់ទម្លាប ៦ ខាងក្រោមនេះក៏ជាគន្លឹះសម្រាប់សមនុស្សស្រីជោគជ័យដែរ ៖
១. អានសៀវភៅយ៉ាងហោចណាស់ឲ្យបានមួយម៉ោង ៖ ការអានគឺសំខាន់ណាស់ដើម្បីហ្វឹកហាត់ខួរក្បាលឲ្យមានភាពឆ្លាតវៃ និងមានការគិតខ្លាំង។ វាជាទម្លាប់មួយជួយឲ្យមនុស្សទទួលបានជោគជ័យយ៉ាងល្អបំផុត។ ការអានធ្វើឲ្យអ្នកមានទស្សនៈវែងឆ្ងាយ និងមានឥទ្ធិពលក្នុងការប្រាស្រ័យជាមួយមនុស្សដទៃ។
**២. ទុកការលេងទូរស័ព្ទមួយឡែក ៖** មុនពេលចូលគេង យើងមិនគួរលេងទូរស័ព្ទនោះទេ ព្រោះវាប៉ះពាល់ដល់សុខភាព ហើយជាចំណាយពេលឥតប្រយោជន៍ និងខកខានក្នុងការគេងទៀតផង។ បើមិនចាំបាច់ជាមួយទូរស័ព្ទទេ គួរកុំលេងប្រើអី។
៣. ដើរមួយៗឲ្យបាន១០ ទៅ ១៥នាទី ៖ ការដើរជួយឲ្យយើងធូរស្រាលពីការស្មុគស្មាញដែលយើងបានជួបក្នុងថ្ងៃនេះ។ ម្យ៉ាងទៀតវាបានបង្កើតអ្វីដែលថ្មីៗ និងធ្វើឲ្យយើងគេងលក់ស្រួល បន្ទាប់ពីដើរហើយ។
៤. ធ្វើសមាធិ និងគិតពីអ្វីដែលល្អៗ ៖ ការធ្វើបែបនេះ ជួយឲ្យយើងមានអារម្មណ៍ស្ងប់ស្ងាត់ បោះចោលនៅរឿងមិនល្អដែលបានកើតឡើង ហើយអាចជួយរក្សាផ្លូវចិត្តរបស់យើងឲ្យមានផាសុកភាព។
៥. បង្កើតគំនិតថ្មីៗ ៖ យើងមិនគួរនៅមួយកន្លែងនោះទេ យើងគួរតែមានការវិវត្តន៍ទៅមុខ ដូច្នេះត្រូវតែមានគំនិតថ្មីៗ និងច្នៃប្រឌិតអ្វីដែលយើងមានឲ្យកាន់តែល្អជាងមុន។
៦. មានគម្រោងសម្រាប់ថ្ងៃបន្ទាប់ ៖ មុនចូលគេងយើងគួរតែមានគម្រោងសម្រាប់ថ្ងៃបន្ទាប់ ថាស្អែកយើងគួរតែធ្វើអ្វី គួរតែគិតអ្វី ហើយបន្តធ្វើអ្វីខ្លះសម្រាប់សម្រេចគោលដៅយើង មិនមែនគេងទាំងគ្មានគិតអ្វីទាំងអស់នោះទេ៕
ទម្លាប់ល្អៗដែលយើងគួរតែមាន ជាជាងចំណាយពេលឥតប្រយោជន៍!
ចុចអាន៖៨ ចំណុចបញ្ជាក់ថាអ្នកជាមនុស្សឆ្លាតម្នាក់ប្រកែកមិនបាន