៨ ចំណុចបញ្ជាក់ថាអ្នកជាមនុស្សឆ្លាតម្នាក់ប្រកែកមិនបាន

2017-09-10 05:22:23
ចំនួនមតិ 0 | ចំនួនចែករំលែក 0

សញ្ញាដែលបញ្ជាក់ថាមនុស្សម្នាក់ឆ្លាតគឺមិនអាចវាស់បានត្រឹមពិន្ទុនៅសាលាទេតែក៏ត្រូវមើលទៅលើរឿងជាច្រើនទៀតដែលកើតឡើងក្នុងជីវិតប្រចាំថ្ងៃដែរ។ ជាធម្មតាអ្នកដែលឆ្លាតគឺតែងមានចំណុចខាងក្រោមនេះជារួម។ សាកល្បងពិនិត្យមើលថាតើអ្នកមានប៉ុន្មានចំណុចដែរ?

១. ស្គាល់ខ្លួនឯង

តែងដឹងថាខ្លួនឯងកំពុងឈរនៅកន្លែងណា និងទទួលស្គាល់អ្វីដែលខ្លួនកំពុងមាន។ ការស្គាល់ខ្លួនឯងគឺមិនមែនជារឿងងាយស្រួលទេ តែបើអ្នកអាចធ្វើបានអ្នកគឺជាមនុស្សឆ្លាតហើយ។

២. ចេះយល់ពីអារម្មណ៍អ្នកដទៃ

មនុស្សភាគច្រើនមិនបានមើលទៅលើចំណុចនេះទេដែលធ្វើឲ្យគេពិបាកចុះសម្រុងជាមួយអ្នកជុំវិញ។ បើអ្នកពូកែយល់ពីអ្នកដទៃ អ្នកក៏ពូកែចុះសម្រុងជាមួយពួកគេដែរ។

៣. ដឹងពីសមត្ថភាពខ្លួនឯង

ស្គាល់ពីសមត្ថភាពខ្លួនឯងប៉ុណ្ណា ហើយក៏មិនដែលរុញរាក្នុងការស្វែងរកចំណេះដឹងបន្ថែមថ្មីៗនោះដែរ។

៤. ឆ្ងល់

ការឆ្ងល់គឺជាអ្វីដែលធ្វើឲ្យអ្នកស្វះស្វែងរៀនមិនចេះចប់ទេ ហើយការស្វះស្វែងនេះហើយដែលធ្វើឲ្យការគិតរបស់អ្នកវិវត្តពីមួយថ្ងៃទៅមួយថ្ងៃ។

៥. រៀនពីកំហុសខ្លួនឯង

កំហុសតែងកើតមានតែសំខាន់តើអ្នកចេះកែប្រែដែរឬទេ? អ្នកឆ្លាតតែងដឹងចំណុចនេះច្បាស់ ហើយគេមិនខ្លាចនឹងរៀនពីកំហុសខ្លួនឯងឡើយ។

៦. ចេះលេងសើច

មើលទៅដូចចម្លែកតែវាជាការពិត។ ធម្មតាទាល់តែអ្នកដែលគិតបានលឿនទើបអាចរកនឹកនិយាយពាក្យកំប្លែងៗឲ្យគេសើចបាន។ បើអ្នកមានចំណុចនេះ សូមអបអរផងណា៎។

៧. ពេលខ្លះក៏ចូលចិត្តនៅម្នាក់ឯង

មិនមែនអ្នកឆ្លាតសុទ្ធតែចូលចិត្តកំប្លែងទេ ព្រោះអ្នកខ្លះក៏ចូលចិត្តនៅម្នាក់ឯងដែរ។ គេធ្វើបែបនេះគឺដើម្បីកុំឲ្យការនិយាយអត់ប្រយោជន៍ច្រើនប៉ះពាល់ដល់ការផ្ដោតអារម្មណ៍របស់គេក្នុងការធ្វើអ្វីមួយ។ តើអ្នកមានទម្លាប់បែបនេះទេ?

៨. មើលបញ្ហាពីជ្រុងទាំងសងខាង

គេមិនមែនស្ដាប់តែម្ខាងហើយសម្រេចចិត្តនោះទេគឺគេប្រើត្រចៀកទាំងពីរស្ដាប់ហេតុផលទាំងសងខាងមុនពេលសម្រេចចិត្ត៕

យ៉ាងណាដែរគ្នាយើង តើមានប៉ុន្មានចំណុចដែរ?

ចុចអាន៖ វិធីសាស្ត្រធ្វើឲ្យខ្លួនឯងក្លាយជាមនុស្សកាន់តែជោគជ័យដោយមិនបាច់ពឹងអ្នកណា

ចុចអាន៖ ចង់ដឹងថាខ្លួនឯងក្លាយជាមនុស្សស្រីចាស់ទុំ ឬនៅ? មើលចំណុចទាំងអស់នេះ

ប្រភព៖ relationshipgoals ប្រែសម្រួល៖ Chhai Yarith