ស្រីៗគួរធ្វើយ៉ាងម៉េចទៅ បើមានអ្នកដទៃចង់មកទាក់ទងសង្សារយើង?

2017-09-13 08:00:00
ចំនួនមតិ 0 | ចំនួនចែករំលែក 0

នេះជារឿងដែលធ្វើឲ្យនារីៗពិបាកបំផុត នៅពេលឃើញមនុស្សស្រីដទៃចូលមកកៀកកើយបម្រុងនឹងដណ្ដើមយកសង្សារខ្លួនទៅ។ ដំណោះស្រាយទាំង ៤ នេះនឹងជួយបាន ប្រសិនបើមានករណីស្រីផ្សេងមកទាក់ទងសង្សារយើងមែន៖

១.ផ្សព្វផ្សាយស្នេហាអ្នកទាំង ២

ធ្វើឲ្យមនុស្សស្រីម្នាក់នោះឃើញថា ស្នេហារបស់អ្នកមានភាពរឹងមាំ ដែលមិនអាចឲ្យនរណាមកជ្រែកខ្លួនចូលឡើយ។ ម្យ៉ាងត្រូវឲ្យស្រីម្នាក់នោះដឹងថា ទំហំក្ដីស្នេហ៍ដែលមនុស្សពីរនាក់មានចំពោះគ្នា គឺការទុកចិត្ត ដើម្បីកុំឲ្យនាងគិតថាសម្រស់ឆើតឆាយអាចពង្វក់មនុស្សប្រុសបាន។ មិនត្រូវប្រច័ណ្ឌ ឬភាពមិនស្រណុកក្នុងចិត្តឡើយពេលដឹងរឿងគេចង់លួចយកសង្សារ ព្រោះធ្វើឲ្យម្នាក់ស្រីនោះកាន់តែបានដៃ។

រូបតំណាង

**២.បង្ហាញពីតម្លៃស្នេហ៍ពិត**

គន្លឹះនៃទំនាក់ទំនងស្នេហាជោគជ័យ គឺអាស្រ័យលើការលះបង់របស់គ្រប់ភាគី ហើយបង្ហាញឲ្យមនុស្សស្រីដែលចាំដណ្ដើមក្ដីសុខរបស់គេនោះឃើញថា ស្នេហាអ្នកទាំងពីរកន្លងមកឆ្លងកាត់ព្យុះភ្លៀង និងឧបសគ្គរាប់មិនអស់ មិនមែនទើបស្រលាញ់គ្នាមួយថ្ងៃ ពីរនោះទេ។ ទោះជាគេធ្វើបែបណា ឬពន្យុះដោយកាយវិការ និងសម្ដីបែបណា ក៏មិនត្រូវបាត់បង់ភាពជឿជាក់ចំពោះគ្នាដែរ។

៣.ចំណាយពេលរួមគ្នាឲ្យបានច្រើន

អាចទុកថាជាការបង្កើនភាពស្និទ្ធស្នាលមួយកម្រិតទៀត ដើម្បីជៀសវាងស្រីដទៃមកយកចិត្តទុកដាក់លើដៃគូរបស់អ្នក។ ការចំណាយពេលជាមួយគ្នា គឺជាកូនសោបើកទ្វារឲ្យគូស្នេហ៍កាន់តែយល់ និងស្រលាញ់គ្នាលើសដើម។

៤.កុំព្យាយាមឌឺដងគេ

ទោះជាដឹងថាស្រីម្នាក់នោះព្យាយាមដណ្ដើមមិត្តប្រុសប៉ុណ្ណាក៏ដោយ ក៏មិនបាច់ទៅឈ្លោះ ជេរ ឬឌឺដងផ្លែផ្កាដាក់នាងដែរ ព្រោះនាងនឹងយល់ថាយើងខ្វះទំនុកចិត្ត និងជឿជាក់លើស្នេហាខ្លួន ទើបខំបញ្ចេញភាពជាម្ចាស់៕