ហេតុអីមនុស្សអាយុកាន់តែច្រើនកាន់តែឡើងទម្ងន់?

  • 2017-09-13 12:00:00
  • ចំនួនមតិ

ចន្លោះមិនឃើញ

ការ​ធាត់​ឡើង​ទម្ងន់​បណ្តាល​មក​ពី​ប្រព័ន្ធ​រំលាយ​អាហារ​ក្នុង​រាង​កាយ​ចាប់​ផ្តើម​ចុះ​ខ្សោយ ​វា​ជា​ហេតុ​ធ្វើ​ឱ្យ​សារ​ជាតិ​នៃ​អាហារ​ទាំង​ប៉ុន្មាន​ដែល​ចូល​ទៅ ​មិន​បាន​បម្លែង​ទៅ​ជា​ថាមពល​ទាំង​ស្រុង​ឡើយ។ ជាក់​ស្តែង ​អ្វី​ដែល​គេ​តែង​សម្គាល់​ឃើញ​នោះ​គឺ​មនុស្ស​ភាគ​ច្រើន​ តែង​តែ​ជួប​បញ្ហា​ធាត់​ឡើង​ទម្ងន់​នេះ​នៅ​ពេល​ពួក​គេ​មាន​វ័យ​កាន់​តែ​ច្រើន។ ខាង​ក្រោម​នេះ​គឺ​ជា​តារាង​អាយុ​ ដែល​បញ្ជាក់​ពី​ដំណាក់​កាល​ខ្លាំង​ក្លា​និង​ចុះ​ខ្សោយ​នៃ​ប្រព័ន្ធ​រំលាយ​អាហារ​របស់​អ្នក​។

១. អាយុ​ខ្ទង់ ​២០ ៖ ប្រព័ន្ធ​រំលាយ​អាហារ​របស់​អ្នក​ពេញ​ទៅ​ដោយ​សន្ទុះ​នៃ​ដំណើរ​ការ​ ដូច្នេះ​អ្នក​មិន​បាច់​បារម្ភ​ខ្លាច​ញ៉ាំ​ច្រើន​ហើយ​ធាត់​នោះ​ទេ។ ប្រូតេអ៊ីន​នៃ​អាហារ​ដែល​អ្នក​បាន​បរិភោគ​នឹង​បម្លែង​ទៅ​ជា​ថាមពល​សម្រាប់​ការ​ប្រើ​ប្រាស់​ប្រចាំ​ថ្ងៃ​ស្ទើរ​តែ​ទាំង​ស្រុង​។

រូបតំណាង

២. អាយុ​ខ្ទង់ ​៣០ ​៖ វា​ចាប់​ផ្តើម​បង្ហាញ​ឱ្យ​ឃើញ​ពី​ដំណើរ​ការ​ចុះ​ខ្សោយ​បន្តិច​ ហើយ​ជាតិ​ខ្លាញ់​ក៏​ងាយ​កក់​កុញ​ក្នុង​រាង​កាយ​ផង​ដែរ ​ ដូច្នេះ​គួរ​បង្កើន​ការ​ធ្វើ​លំហាត់​ប្រាណ​ដើម្បី​ឱ្យ​សាច់​ដុំ​បាន​បញ្ចេញ​ថាមពល​ខ្លះ​។

៣. អាយុខ្ទង់ ៤០ ៖ ប្រព័ន្ធ​រំលាយ​អាហារ​របស់​អ្នក​ស្ថិត​ក្នុង​ដំណាក់​កាល​ចុះ​ខ្សោយ​យ៉ាង​កំហុក​ មាន​ន័យ​ថា​រាង​កាយ​ត្រូវ​ការ​រយៈ​ពេល​យូរ​ដើម្បី​ទទួល​ស្រូប​យក​ថាមពល​ពី​អាហារ​។ វា​ធ្វើ​ឱ្យ​កម្លាំង​កំហែង​របស់​អ្នក​ចាប់​ផ្តើម​ខ្សោយ​ដូច​គ្នា​។

រូបតំណាង

៤. អាយុ​ខ្ទង់​ ៥០ ​៖ ក្នុង​វ័យ​នេះ អ្នក​គួរ​បរិភោគ​អាហារ​ក្នុង​កម្រិត​តិច​តាម​ដែល​អាច​ធ្វើ​បាន​ ព្រោះ​ប្រព័ន្ធ​រំលាយ​អាហារ​បស់​អ្នក​កាន់​តែ​ពិបាក​ស្រូប​យក​ប្រូតេអ៊ីន​ពី​អាហារ​មែន​ទែន​ហើយ​។ ប៉ុន្តែ​គួរ​ជំនួស​មក​វិញ​ដោយ​ស្វែង​រក​អាហារ​ណា​ដែល​មាន​ជីវជាតិ​សម្រាប់​ចិញ្ចឹម​រាង​កាយ៕

ចុចអាន៖នារីស្គមៗចង់ឱ្យឡើងសាច់ កុំភ្លេចសាកល្បងវិធីទាំងនេះ


ប្រភព៖ Boldsky ប្រែ​សម្រួល៖ អ៊ុង រ័ត្នបញ្ញា