ចង់បានការស្រលាញ់ស្មោះពីមនុស្សប្រុស កុំប្រើសម្រស់ទៅទាញមក

2017-09-12 01:30:00
ចំនួនមតិ 0 | ចំនួនចែករំលែក 0

សម្រស់តែមួយមុខមិនអាចទទួលបានការស្រលាញ់ស្មោះស្ម័គ្រពីមនុស្សប្រុសបានឡើយ។ តែស្រីៗគួរមានរបស់អស់ទាំងនេះទៀត ទើបអាចបានចិត្តស្មោះពីគេបាន៖

១.សម្ដីពិតចេញពីចិត្ត៖ រាល់ទង្វើ និងពាក្យសម្ដី បើយើងនិយាយតែពាក្យពិតជាមួយគេ នោះគេប្រាកដជាស្មោះត្រង់ជាមួយយើងដែរ។ តែបើនិយាយកុហកបោកប្រាស់គេ នោះគេក៏មិនស្មោះជាមួយវិញដែរ។

រូបតំណាង

**២.មិនក្បត់គ្នា**៖ ស្រលាញ់គ្នាត្រូវមានភាពស្មោះត្រង់នឹងគ្នាទៅវិញទៅមក ទើបស្នេហាអាចគង់វង្សយូរអង្វែងបាន តែកាលណាយើងមិនចេះក្បត់គេ នោះគេក៏មិនក្បត់យើងវិញដែរ។

៣.អត្តចរិតសុភាពរាបសា៖ មនុស្សស្រីដែលមានចរិតបែបនេះ ធ្វើឲ្យមនុស្សប្រុសស្រលាញ់ខ្លាំងជាងសម្រស់ទៅទៀត ហើយថែមទាំងមានចិត្តអាណិតលើសស្រលាញ់ទៅទៀត។

៤.មានទំនួលខុសត្រូវ៖ កាលណាយើងជាមនុស្សដែលចេះដឹងខុសត្រូវ និងមានភាពច្បាស់លាស់ គឺជាមន្តស្នេហ៍សំខាន់ជាងបុរសទៅទៀត។ មនុស្សស្រីប្រភេទនេះហើយ ដែលបុរសស្រលាញ់ខ្លាំង។

៥.ម៉ឺងម៉ាត់៖ មនុស្សស្រីដែលមានលក្ខណៈបែបនេះហើយ ដែលបុរសៗប៉ងប្រាថ្នាអស់មួយជីវិត ព្រោះភាពម៉ឺងម៉ាត់បញ្ជាក់ថាជាស្ត្រីដ៏ពិសេសម្នាក់។

៦.មានភាពថ្លៃថ្នូរ៖ ភាពថ្លៃថ្នូរទាំងក្នុង និងក្រៅរាងកាយរបស់មនុស្សស្រីជាចំណងចង់ចិត្តមនុស្សប្រុសឲ្យនៅតែស្រលាញ់ស្មោះអស់មួយជីវិត។