ចង់ឱ្យក្មេងមានប្រាជ្ញាឆ្លាត ឪពុកម្តាយគួរទិញរបស់លេងអ្វីខ្លះ?

2017-09-05 09:44:26
ចំនួនមតិ 0 | ចំនួនចែករំលែក 0

ឪពុកម្តាយណាទៅដែលមិនចង់ឱ្យកូនកើតមកមានប្រាជ្ញាឆ្លាតវៃ? ពួកគាត់ខំប៉ូវចំណីអាហារតាំងពីកូននៅក្នុងពោះ រហូតដល់ក្រោយពេលសម្រាល ហើយនឹងនៅតែបន្តផ្តល់ការចិញ្ចឹមបីបាច់នេះរហូតដល់កូនធំធាត់បានល្អ។ យ៉ាងណាក្តីក្រៅពីការលូតលាស់ផ្នែករាងកាយហើយ ឪពុកម្តាយក៏នៅតែខ្វល់ខ្វាយអំពីការលូតលាស់ផ្នែកសតិបញ្ញារបស់កូនតូចៗផងដែរ។ ដូច្នេះប្រសិនបើចង់ឱ្យកូនតូចៗមានការលូតលាស់ផ្នែកប្រាជ្ញាស្មារតីបានល្អ ឪពុកម្តាយគួរមានរបស់លេងទាំង ៥ នេះសម្រាប់ពួកគេ៖

១. កូនបាល់កណ្តឹង៖ ងាយស្រួលសម្រាប់ក្មេងដែលទើបនឹងចេះកាន់ ធ្វើឱ្យពួកគេស្ទាត់ជំនាញក្នុងការប្រើប្រាស់ដៃ ម្យ៉ាងទៀតវាធ្វើឱ្យក្មេងចូលចិត្តដោយសារតែសម្លេងកណ្តឹង។

២. រូបផ្គុំ ឬប្រដាប់សង់៖ ជួយឱ្យក្មេងឆាប់មានគំនិតច្នៃប្រឌិតខ្ពស់ បង្កើនសមត្ថភាពភ្នែក និងភាពរហ័សរហួនរបស់ខួរក្បាល។

៣. សៀវភៅមានរូបតុក្កតា៖ ធ្វើឱ្យក្មេងមានរសនិយមខាងផ្នែកសិល្បៈ និងមានភាពស្រមើស្រមៃខ្ពស់។

៤. គូល័រទៀន៖ ក្មេងតូចៗអាចប្រើគូល័រទៀនគូសវាសតាមចិត្ត វាជួយឱ្យពួកគេឆាប់ចេះសរសេរអក្សរនៅពេលចូលរៀន។

៥. បាយឡុកបាយឡធ្វើម្ហូប៖ បង្វឹកភាពរវៀសរវៃរបស់ក្មេង ធ្វើឱ្យពួកគេចេះមានការស្រាវជ្រាវរុករក។ ក្មេងមួយចំនួនចាប់ផ្តើមមានគំនិតថែរក្សាទ្រព្យសម្បត្តិរបស់ខ្លួននៅពេលចេះលេងបាយឡុកបាយឡនេះ៕

ចុចអាន៖ទម្លាប់ចិញ្ចឹមកូនបែបនេះ ថ្ងៃក្រោយកុំបន្ទោសថាកូនពិបាកប្រដៅ

ប្រភព៖ familyshare ប្រែសម្រួល៖ អ៊ុង រ័ត្នបញ្ញា