កាន់តែឈ្លោះគ្នា ស្នេហារវាងមនុស្សពីរនាក់នឹងកាន់តែខិតជិតផ្លូវបំបែក

2017-09-05 02:42:26
ចំនួនមតិ 0 | ចំនួនចែករំលែក 0

អ្នកណាថាឈ្លោះគ្នាកាន់តែច្រើន ស្រឡាញ់គ្នាកាន់តែខ្លាំង? ខ្ញុំពិតជាចង់រកមុខអ្នកណានិយាយពាក្យនេះខ្លាំងណាស់ ព្រោះវាខុសស្រឡះពីការពិត។

ពេលខ្លះខ្ញុំពិតជាហត់នឿយក្នុងទំនាក់ទំនងបែបនេះខ្លាំងណាស់ ខ្ញុំគ្មានកម្លាំងនឹងឈ្លោះជាមួយគេសឹងតែរាល់ថ្ងៃនោះទេ។ ស្នេហារវាងមនុស្សពីរនាក់ គួរតែស្រស់បំព្រងជាងនេះ មានស្នាមញញឹមច្រើនជាងនេះ ហើយផ្អែមល្ហែមជាងនេះ មិនមែនគ្រាន់តែឃើញមុខគ្នាក៏ខឹងគ្នា ឈ្លោះគ្នា ខាំគ្នាជាងឆ្កែឆ្មាឡើយ។

មនុស្សពីរនាក់ស្រឡាញ់គ្នា តែយូរទៅកាន់តែឈ្លោះ កាន់តែមានរឿងមិនល្អជាមួយគ្នា នោះចិត្តស្រឡាញ់ ចិត្តអាណិតក៏កាន់តែបាត់បង់ទៅដែរ វាមិនមែនកាន់តែស្រឡាញ់គ្នានោះទេ។ ភាពល្អក់កករក្នុងស្នេហា នឹងជំរុញឲ្យយើងចាប់ផ្ដើមផ្ដាច់ខ្លួនឆ្ងាយពីគ្នា លែងស្និទ្ធស្នាល លែងមានមានស្នាមញញឹមដូចពីមុន គឺដូចពេលដែលយើងចាប់ផ្ដើម។ បើសិនជាស្នេហាអាចរក្សាដូចពេលដំបូង មិនដឹងជាល្អយ៉ាងណាទេព្រោះពួកយើងសឹងតែមិនដែលឈ្លោះគ្នា រករឿងគ្នា ហើយភាពរីករាយសឹងតែមានរាល់ថ្ងៃ តែហេតុអីបន្ទាប់មកទៀតពួកយើងឈានមកដល់ផ្លូវមួយនេះ? ផ្លូវមួយដែលសឹងតែគ្មានចន្លោះនឹងអាចស្ដារទំនាក់ទំនងយើងឲ្យល្អឡើងវិញ។

បើថ្ងៃណាមួយស្នេហានេះត្រូវបញ្ចប់សុំកុំបន្ទោសអ្នកណាអី គួរតែបន្ទោសខ្លួនឯងដែលមិនអាចថែវាឲ្យបាន ដូច្នេះគួរតែទទួលយក ហើយទទួលស្គាល់ថា «មនុស្សពីីរនាក់កាន់តែឈ្លោះគ្នា ស្នេហាក៏កាន់តែបាត់បង់ដូចគ្នា»។

ចុចអាន៖អារម្មណ៍ដែលធ្វើឲ្យមនុស្សឈឺចាប់ខ្លាំងបំផុត ក្រោយបាត់បង់ស្នេហា

អត្ថបទ៖ ផេង ផលធិតា