អារម្មណ៍ដែលធ្វើឲ្យមនុស្សឈឺចាប់ខ្លាំងបំផុត ក្រោយបាត់បង់ស្នេហា
- 2017-08-30 06:00:00
- ចំនួនមតិ 0 | ចំនួនចែករំលែក 0
អារម្មណ៍ដែលធ្វើឲ្យមនុស្សឈឺចាប់ខ្លាំងបំផុត ក្រោយបាត់បង់ស្នេហា
ស្នេហាគឺជាអារម្មណ៍មួយដែលយើងមិនអាចមើលឃើញពីខាងក្រៅនោះទេ ប៉ុន្តែវាគឺជាអារម្មណ៍មាននៅខាងក្នុងដែលគ្មានអ្នកណាដឹងក្រៅពីយើងខ្លួនឯងឡើយ។ យើងមើលឃើញមនុស្សមួយភាគធំគឺមានការឈឺចាប់យ៉ាងធ្ងន់ធ្ងរបន្ទាប់ពីមានការបែកបាក់ស្នេហា ដូច្នេះតើហេតុអីបានជាវាមានការឈឺចាប់ខ្លាំងបែបនេះ?
១. អារម្មណ៍ភ័យខ្លាច
បន្ទាប់ពីបែកបាក់ស្នេហា វាអាចឲ្យមនុស្សចាប់ផ្ដើមមានអារម្មណ៍ភ័យខ្លាច សឹងតែមិនអាចជឿលើអ្នកណាទៀត។ ការបាត់បង់ស្នេហាធ្វើឲ្យមានបាត់បង់ជំនឿចិត្ត និងនៅតែមានអារម្មណ៍ភ័យខ្លាចតាមជាប់ខ្លួនជានិច្ចគេធ្វើឲ្យឈឺ។
២. អារម្មណ៍ខឹង ស្អប់
ជាអារម្មណ៍ម្យ៉ាងដែលធ្វើឲ្យមនុស្សគ្មានសេចក្ដីសុខផ្លូវចិត្ត ហើយរឹតតែធ្វើឲ្យចិត្តមានការឈឺចាប់ខ្លាំងបន្ទាប់ពីបាត់បង់ស្នេហាហើយ។ កាន់តែស្អប់គេ អ្នកកាន់តែឈឺចាប់ កាន់តែខឹងគេ អ្នកកាន់តែទប់ទឹកភ្នែកមិនបាន។
៣. អារម្មណ៍ឯកា
ក្រោយបែកបាក់គ្នា មនុស្សចាប់ផ្ដើមមានភាពឯកា ហើយវានឹងរាលដាលធ្វើឲ្យអ្នកសឹងតែមិនអាចទប់អារម្មណ៍បាន។ មនុស្សធ្លាប់តែមានគ្នា មនុស្សធ្លាប់តែកក់ក្ដៅ តែបែរជារលាយអស់ទៅវិញ គ្មានអ្នកណាអាចធ្វើចិត្តបាននោះទេ ហើយអនុស្សាវរីយ៍ទាំងប៉ុន្មាននឹងរត់ចូលក្នុងខួរក្បាលអ្នក បេះដូងនឹងចាប់ផ្ដើមហៅរកឈ្មោះគេ ចំណែកចិត្តវិញគឺរឹតតែខ្ទេចខ្ទាំពេលនឹកគេម្ដងៗ។
៤. អារម្មណ៍អស់សង្ឃឹម
អារម្មណ៍នេះ គឺធ្វើឲ្យមនុស្សលែងចង់ក្រោកឡើង លែងចង់ធ្វើអ្វីទាំងអស់ ព្រោះគិតថាខ្លួនឯងគ្មានអ្នកណាត្រូវការ គ្មានអ្នកណាស្រឡាញ់ ហើយគ្រប់គ្នាសុទ្ធតែបោះបង់។ អារម្មណ៍បែបនេះអាចសម្លាប់មនុស្សបាន ព្រោះពួកគេបាត់បង់ភាពរីករាយ អារម្មណ៍ស្រឡាញ់ និងគ្មានកម្លាំងចិត្តក្នុងការបន្តទៅមុខទៀត។
៥. អារម្មណ៍ប្រៀបធៀបខ្លួនឯង
គេនឹងចាប់ផ្ដើមមានគំនិតប្រៀបធៀបខ្លួនឯង និងអ្នកផ្សេង ថាខ្លួនអន់ អត់ល្អត្រង់ណាបានគេចាកចេញ ហើយអារម្មណ៍នេះនឹងវិវត្តឲ្យមនុស្សកាន់តែស្អប់ខ្លួនឯង ឬអាចផ្លាស់ប្ដូរខ្លួនឯងខ្លាំង រហូតអាចដើរផ្លូវខុសក៏ថាបាន។ដោយសារតែការឈឺចាប់ ការច្រណែន ដែលមនុស្សម្នាក់នោះបានផ្ដល់ឲ្យ។
នេះហើយជាអារម្មណ៍ដែលធ្វើឲ្យមនុស្សមានការឈឺចាប់ខ្លាំងបន្ទាប់ពីបាត់បង់ស្នេហា៕
ចុចអាន៖ហេតុអីអ្នកចាកចេញទាំងគ្មានហេតុផល និងគ្មានពាក្យលាសូម្បីមួយម៉ាត់មកខ្ញុំ?