ធ្វើរឿងទាំងនេះ មុនញ៉ាំអាហាររាល់ព្រឹក ដឹងតែបានស្បែកស្អាត មានថាមពលពេញមួយថ្ងៃ

2017-09-04 02:18:31
ចំនួនមតិ 0 | ចំនួនចែករំលែក 0

ដើម្បីបានសុខភាពល្អ និងអារម្មណ៍ស្រស់ស្រាយនៅពេលព្រឹក មនុស្សភាគច្រើនតែងផ្ដោតតែលើការហាត់ប្រាណ និងការបញ្ចេញញើស។ ប៉ុន្តែមិនចាំបាច់ត្រូវក្រោកពីព្រលឹមទាំងភ្នែកមិនចង់បើកទៅធ្វើរឿងទាំងនេះក៏បាន Kanha នឹងប្រាប់គន្លឹះងាយៗទាំង៥ ដែលមិត្តនារីអាចធ្វើបានដោយខ្លួនឯងនៅផ្ទះ ហើយចំណាយពេលតិច ប៉ុន្តែធ្វើឱ្យស្បែកស្អាត និងមានថាមពលជានារីរឹងមាំពេញមួយថ្ងៃ។

១- ញ៉ាំទឹកឱ្យបានច្រើន៖

ចាប់ផ្ដើមថ្ងៃថ្មីដោយការញ៉ាំទឹក បន្ទាប់ពីក្រោកពីគេងគឺជាវិធីល្អបំផុតដែលអាចជួយបន្សុទ្ធថ្លើម ក្រលៀន និងសម្រួលដល់ការរំលាយអាហារ។ បន្ទាប់ពីនេះ អ្នកក៏អាចញ៉ាំទឹកក្រូចឆ្មារក្ដៅឧណ្ហៗមួយកូនកែវ សម្រាប់អ្នកចង់សម្រករាង និងបង្កើនថាមពលពេញមួយថ្ងៃ។

២- ពត់ខ្លួនលើគ្រែ៖

ពេលភ្ញាក់ភ្លាម មិនគួរស្ទុះក្រេសពីគ្រែភ្លាមទេ។ យកល្អ គួរនៅគេងពត់ខ្លួនចុះឡើងៗប្រហែល៥នាទីសិន ដើម្បីសម្រួលសរសៃសសូង។ បន្ទាប់មក គួរបើកបង្អួចឬទ្វារដើម្បីស្រូបយកខ្យល់បរិសុទ្ធ ហើយពត់ខ្លួន ឬធ្វើចលនាបន្តទៀត ដើម្បីបង្កើនចលនាឈាមឱ្យរត់ស្រួលពេញសារពាង្គកាយ។

៣- ហាត់ប្រាណ៖

បើអ្នកគ្មានពេលក្រោកទៅហាត់ប្រាណនៅខាងក្រៅជាមួយគេឯង ធ្វើនៅផ្ទះដោយខ្លួនឯងក៏បាន ដូចជាយូហ្កា ដកដង្ហើមវែងៗ ដើរជុំវិញផ្ទះ ឬរត់ត្រឹកៗនៅផ្ទះក៏បាន។ ប៉ុន្តែមិនគួរក្រោកហាត់ប្រាណនៅម៉ោង៤-៥ទៀបភ្លឺទេ ព្រោះពេលវេលានេះជាពេលត្រជាក់ខ្លាំងសម្រាប់រាងកាយ ដែលជាហេតុនាំឱ្យសម្ពាធឈាមអាចបុកឡើងខ្លាំង។

៤- ងូតទឹកមុនញ៉ាំអាហារពេលព្រឹក៖

ប្រហែលអ្នកមិនបានចាប់អារម្មណ៍ចំណុចនេះ ប៉ុន្តែការងូតទឹកមុនញ៉ាំអាហារនឹងជួយដល់ប្រព័ន្ធរំលាយអាហារបានល្អជាងញ៉ាំរួចទើបងូតទឹក។ ព្រោះការញ៉ាំអាហាររួចងូតទឹកភ្លាមនឹងធ្វើឱ្យក្រពះពិបាកកិនអាហារ ចំណែកសរសៃឈាមក៏អាចរីកធំ ធ្វើឱ្យឈាមរត់លឿន ប៉ះពាល់ដល់ចលនាបេះដូងទៀតផង។

៥- ហាត់ប្រាណផ្លូវភេទ៖

សម្រាប់អ្នកមានដៃគូឬមានគ្រួសារ ការរួមភេទនៅពេលព្រឹកគឺជាវិធីដ៏ល្អបំផុតសម្រាប់នារីដើម្បីជួយផលិតអរម៉ូន Estrogen ធ្វើឱ្យអារម្មណ៍ស្រស់ស្រាយ និងជួយឱ្យស្បែកឡើងម៉ត់រលោង៕

ចុចអាន៖

ប្រភព៖ bestie ប្រែសម្រួល៖ សរ សុគន្ធី