បើជ្រុលបែកគ្នាជាមួយសង្សារហើយ កុំព្យាយាមចង់ធ្វើមិត្តវិញឲ្យសោះ

2017-08-31 11:00:00
ចំនួនមតិ 0 | ចំនួនចែករំលែក 0

ហេតុតែមិនទាន់ដាច់អាល័យ គូស្នេហ៍មួយចំនួនសុខចិត្តប្រើពាក្យថា «ធ្វើជាមិត្ត» ជំនួសឱ្យភាពគ្រាំចិត្តក្រោយពេលបែកគ្នា។ អ្នកខ្លះគិតថាវាជាជម្រើសត្រឹមត្រូវ ព្រោះគេមិនចង់បាត់បង់ទាំងស្នេហា ហើយបាត់បង់ទាំងមិត្តភាពក្នុងពេលជាមួយគ្នាទៀតនោះទេ។ ប៉ុន្តែអ្នកខ្លះវិញ មិនអាចទទួលយកជម្រើសនេះបានដោយសារតែហេតុផលមួយចំនួនខាងក្រោមនេះ៖

១. ចង់ធ្វើចិត្តឲ្យដាច់៖ គូស្នេហ៍ខ្លះទោះជាអស់ចិត្តស្រឡាញ់ទៅហើយក្តី ប៉ុន្តែក៏នៅតែមានមនោសញ្ចេតនាខ្លាចមើលមុខគ្នាមិនត្រង់ដែរ។ ដូច្នេះដើម្បីឱ្យឲ្យរឿងឆាប់ចប់ គឺមានតែឈប់ទាក់ទងគ្នាតែម្តង ទើបគ្រប់យ៉ាងមិនស៊ាំញ៉ាំ។

រូបតំណាង

**២. អាចធ្វើឲ្យដៃគូមានសង្ឃឹម៖** ការបែកគ្នាមិនប្រាកដថាទាល់តែអស់ចិត្តទាំងសងខាងទើបអាចបែកបាននោះទេ បើភាគីណាម្នាក់អស់ចិត្តគឺអាចបែកបានគ្រប់ពេល។ អ៊ីចឹងក្រោយពេលបែក គួរតែកុំរាប់គ្នាអីល្អជាងព្រោះវាអាចធ្វើអ្នកដែលមិនទាន់អស់ចិត្តនៅតែបន្តមានសង្ឃឹម។

៣. មានអារម្មណ៍ទើសទាល់៖ សាកស្រមៃមើលទៅ បើអ្នកគ្មានអារម្មណ៍ទើសទាល់បែបនោះទេ ម្ល៉េះសមអ្នកទាំងពីរនឹងត្រូវគ្នា ហើយស្រឡាញ់គ្នាម្តងទៀតបានហើយ។

រូបតំណាង

៤. ពិបាកប្រឈមជាមួយមិត្តភក្តិ៖ សំណួរជុំទិសជាច្រើនពីមិត្តភក្តិនឹងលេចឡើង ប្រសិនបើអ្នកសុខចិត្តធ្វើមិត្តជាមួយសង្សារចាស់វិញ។ អ្នកក៏អាចទទួលរងការវាយតម្លៃចំពោះស្នេហាថ្មីនៅថ្ងៃក្រោយផងដែរ៕

ចុចអាន៖ហេតុអីអ្នកចាកចេញទាំងគ្មានហេតុផល និងគ្មានពាក្យលាសូម្បីមួយម៉ាត់មកខ្ញុំ?

ប្រភព៖ Shape ប្រែសម្រួល៖ អ៊ុង រ័ត្នបញ្ញា