មិនគួរឱ្យជឿ! ដំឡូងជ្វាជួយឱ្យសាច់ចាំ និងសុខភាពល្អ ខ្លាំងមិនចាញ់យិនស៊ិន

2017-08-31 00:47:00
ចំនួនមតិ 0 | ចំនួនចែករំលែក 0

ថោកហើយស្រួលរក ដំឡូងជ្វាបានផ្ដល់គុណប្រយោជន៍ឥតគណនាសម្រាប់សុខភាពដែលអ្នកប្រហែលនឹកស្មានមិនដល់ពីមុនមក។ ថ្ងៃនេះ Kanha សូមបង្ហាញពីអត្ថប្រយោជន៍ដ៏លើសលប់របស់ដំឡូងជ្វាដែលអាចជួយទាំងសម្រស់និងសុខភាពរបស់អ្នក។

១- ការពារជំងឺមហារីក៖

បេតាការ៉ូទីន និងវីតាមីន A នៅក្នុងមើមដំឡូងជ្វាគឺជាប្រភពដល់អស្ចារ្យសម្រាប់ការសុខភាពភ្នែក និងធ្វើឱ្យស្បែកមានសុខភាពល្អ។ សារធាតុទាំងនេះក៏ជួយផងដែរដល់ការការពាររាងកាយពីឱកាសនៃការកកើតជំងឺមហារីក។ តាមការស្រាវជ្រាវរបស់អ្នកវិទ្យាសាស្ត្រមកពីគម្រោងសិក្សាស្ដីពីការបរិភោគនិងរស់នៅស្អាតរបស់នារី (WHEL) ទៅលើស្ត្រីដែលមានជំងឺមហារីកក្នុងដំណាក់កាលដំបូង បានឱ្យដឹងថា ស្ត្រីដែលមានកម្រិតការ៉ូទីនខ្ពស់អាចជួយកាត់បន្ថយហានិភ័យនៃការកកើតឡើងវិញនៃជំងឺមហារីកសុដន់។

ចង់នៅក្មេងជាងវ័យ រស់បានយូរ គួរញ៉ាំគ្រាប់ជីជាប្រចាំ

២- ប្រឆាំងការវិវត្តទៅរកភាពចាស់៖

ដំឡូងជ្វាមានសារធាតុប្រឆាំងភាពចាស់ ជួយបង្កើនភាពទន់នៃស្បែកយ៉ាងមានប្រសិទ្ធភាព។ ញ៉ាំដំឡូងជ្វា១ទៅ២ដងក្នុងមួយសប្ដាហ៍នឹងជួយឱ្យស្បែកកើនឡើងនូវកម្រិតវីតាមីន ជាតិរ៉ែ និងកាកសរសៃជាដើម ដែលមិនត្រឹមតែជួយទាញស្បែកឱ្យតឹងណែន ប៉ុន្តែក៏ធ្វើឱ្យស្បែកទៅជារលោងទៀតផង។

៣- បង្កើនសមត្ថភាពនៃការមើល៖

ការសិក្សាដែលធ្វើឡើងដោយសាកលវិទ្យាល័យ Harvard ទៅលើមនុស្សជាង១២ម៉ឺននាក់បានរកឃើញថា អ្នកដែលញ៉ាំអាហារមានជាតិការ៉ូទីនជាប្រចាំអាចជួយបង្កើនសមត្ថភាពនៃការមើលបានច្បាស់ជាងមុន និងជួយកាត់បន្ថយហានិភ័យនៃជំងឺមហារីកសួតបានច្រើនជាង៣២%។