គន្លឹះសន្សំសំចៃ! ក្រែមមួយដើមអាចប្រើជំនួសគ្រឿង Makeup ច្រើនមុខ

2017-08-28 04:48:25
ចំនួនមតិ 0 | ចំនួនចែករំលែក 0

ពេលត្រូវតុបតែងមុខម្ដងៗ ស្រីៗត្រូវចំណាយច្រើនលើការទិញគ្រឿងសម្អាងតាមទីតាំងនៃផ្ទៃមុខដែលត្រូវប្រើដូចជា ភ្នែក ថ្ពាល់ បបូរមាត់ និងចិញ្ចើមជាដើម។ ប៉ុន្តែបើដឹងពីវិធីវៃឆ្លាតទាំងនេះ មិត្តនារីរបស់វិបសាយកញ្ញាមិនបាច់ទៅចំណាយច្រើនដូចមុនទេ ព្រោះប្រើតែរបស់មួយអាចជំនួសឱ្យរបស់ផ្សេងទៀតបានយ៉ាងងាយ។ ឧទាហរណ៍ ក្រៅពីលាបបបូរមាត់ អ្នកក៏អាចប្រើក្រែមលើតំបន់ផ្សេងនៃផ្ទៃមុខបានដែរ។

១- ជំនួសគូល័រភ្នែក៖

សម្រាប់នារីដែលចង់ចំណាយពេលតិច ឬក្នុងករណីអស់គូល័រផាត់ត្របកភ្នែក អ្នកអាចយកក្រែមពណ៌ណាដែលអ្នកពេញចិត្តមកលាបលើត្របកភ្នែក ហើយយកម្រាមដៃផ្ដិតថ្នមៗ តែមិនត្រូវលាបច្រើនពេកទេ ព្រោះវាអាចបណ្ដាលឱ្យទៅជាប្រតាក ព្រោះតែក្រែមមានសភាពស្អិត មិនដូចគូល័រធម្មតា។

២- ប្រើជំនួសម្សៅផាត់ថ្ពាល់៖

គ្រាន់តែលាបក្រែម២-៣ចំណុចលើម្ដុំថ្ពាល់ ហើយយកម្រាមដៃ២មកទះថ្នមៗឱ្យស្នាមក្រែមជ្រាបចូលស្បែកថ្ពាល់ អ្នកក៏អាចបានថ្ពាល់ក្រហម ឬផ្កាឈូកតាមការចង់បានម្ដងម្កាលដែរ តែត្រូវប្រយ័ត្នដូចគ្នា ព្រោះតែក្រែមមានសភាពស្អិត ដូច្នេះកុំលាបវាច្រើនពេក ចៀសវាងពិបាកលុបចេញវិញ។

៣- ប្រើជំនួស Contour ឬផាត់ថ្គាមឱ្យចេញអក្សរ V៖

បើអ្នកមានក្រែមពណ៌សូកូឡាក្រមៅ ឬឈាមជ្រូកដែលស្រដៀងនឹងពណ៌ Contour រឹតតែជារឿងងាយស្រួល គ្រាន់តែយកក្រែមនោះមកគូសមួយឆ្នូតត្រង់ថ្គាម ឬឆ្អឹងថ្ពាល់ ហើយទះវាថ្នមៗឱ្យចូលស្បែកមុខជាការស្រេច។

៤- ប្រើជំនួស Eyeliner៖

សម្រាប់អ្នកដែលចូលចិត្តលេងពណ៌ Eyeliner ក្រែមលាបបបូរមាត់របស់អ្នកក៏អាចជួយបានដែរ។ គ្រាន់តែយកក្រែមទឹកដែលប្រើជក់ ឬយកជក់មកផ្ដិតក្រែមដើមមកគូសលើត្របកភ្នែកឱ្យដូចរាង Eyeliner នោះភ្នែកអ្នកនឹងទទួលបានភាពស្រស់ស្អាតមួយបែបទៀត។

ក្រៅពីនេះ នៅមានរបស់មួយចំនួនទៀតដែលអាចប្រើជំនួសគ្នាទៅវិញទៅមកបាន ក្នុងករណីបន្ទាន់ដូចជា៖

- ប្រើម៉ាស្ការ៉ាជំនួស Eyeliner