ស្វែងយល់អ្វីទោជាការទល់លាមករបស់កុមារ ហើយតើបញ្ហានេះបណ្តាលមកពីមូលេហតុអ្វីខ្លះ?

ក្នុងចំនោមក្មេងមានសុខភាពល្អធម្មតា អាចប្រឈមនឹងបញ្ហាទល់លាមកប្រមាណ 30% (មាន3ក្នុងចំនោម10នាក់) ដែលមានអត្រាកាន់ខ្ពស់បន្តិចម្តងៗលើកុមារដែលចាប់ផ្តើមទទួលអាហាររឹង Solid Food ពិសេសពេលជិតដល់អាយុទៅរៀន (Preschool) ដែលក្នុងនោះ 95% ជា Functional Constipation ដែលកើតមានលើកុមារមានសុខភាពល្អធម្មតាក្នុងវ័យចាប់ពី 1ឆ្នាំឡើងទៅ។

ការទល់លាមកអាចជារឿងធម្មតាទូទៅមួយក្នុងចំនោមបញ្ហាផ្លូវរំលាយអាហារកុមារ ដែលអាចជាសះស្បើយទៅវិញ បើទទួលបានការព្យាបាល ការប្រឹក្សារកមូលហេតុ និងព្យាបាលបានទាន់ពេលវេលា។ ក៏បុន្តែក៏មិនត្រូវធ្វេសប្រហែសដែរ ព្រោះមានមួយភាគតូច 5% នៃកុមារក្តៀនលាមក បណ្តាលមកពីបញ្ហាផ្លូវរំលាយអាហារខ្លួនឯងមានរចនាសម្ពន្ធ៍មិនបានត្រឹមត្រូវ រឺ ដំណើរការមិនល្អ។

រោគសញ្ញាដែលបង្ហាញពីការទល់លាមកចំពោះទារក និងកុមាររួមមាន៖

• ការជុះរង្វើលទៅៗ (2-3ថ្ងៃជុះម្តង)
• សភាពលាមក រឹង ធំ ពិបាកជុះ ជុះមិនចេញ
• ប្រឹងខ្លាំងដល់ក្រហមមុខ
• ស្រែកយំឈឺចាប់ពេលឈឺជុះម្តងៗ រឺអន្ទះអន្ទែង

ប៉ាម៉ាក់មិនគួរមើលរំលងបញ្ហាតិចៗដែលតែងតែកើតឡើងចំពោះកូនៗរបស់ប៉ាម៉ាក់នាំឲ្យកុមារពិបាកជុះ ទល់លាមក ឬជុះមិនចេញ តែរាំរ៉ៃ ដែលប៉ាម៉ាក់មិនគួរមើលរំលង គួរប្រឹក្សាជាមួយគ្រូពេទ្យកុមារ ផ្នែកក្រពះពោះវៀន និងអាហាររូបត្ថម្ភ។ ដើម្បីទទួលការព្យាបាលកុមារទាន់ពេលវេលាជៀសវាងបញ្ហាគ្រោះថ្នាក់ណាមួយប៉ះពាល់ដល់អាយុជីវិត។