៧ រឿងភរិយា និងស្វាមីត្រូវតែយល់ព្រមគ្នា មុនពេលមានកូន

2017-08-18 02:55:25
ចំនួនមតិ 0 | ចំនួនចែករំលែក 0

ពេលក្លាយជាឪពុកម្ដាយគេ បន្ទុកក៏កាន់តែធ្ងន់ធ្ងរជាងមុនដែរ ដូចនេះមុននឹងសម្រេចចិត្តចង់បានកូន អ្នកទាំងពីរត្រូវព្រមព្រៀងគ្នារឿងទាំងនេះសិន។ ដើម្បីក្លាយជាម្ដាយឪពូកដ៏ល្អ៖

១.រឿងដែលត្រូវតែព្រមព្រៀងគ្នា គឺកំណត់ពីចំនួនកូនដែលចង់បាន ដើម្បីត្រៀមខ្លួន និងថវិកាទុកផ្គត់ផ្គង់ពួកគេ។

រូបតំណាង

**២**.ឈ្មោះកូន ពិតជាសំខាន់ណាស់សម្រាប់ប្ដីប្រពន្ធ ដោយគួរតែមានផែនការច្បាស់លាស់ថាពេលមានកូនស្រីដាក់ឈ្មោះអ្វី ហើយកូនប្រុសឈ្មោះអ្វី។ មិនមែនចាំដល់ពេលពួកគេបានមកឃើញពិភពលោកនេះ ទើបរកនឹកដាក់ឈ្មោះឲ្យនោះទេ។

៣.ការថ្លឹងថ្លែងពីទំនួលខុសត្រូវរបស់ឪពុក ត្រូវធ្វើយ៉ាងណាខ្លះចំពោះកូនៗ ទើបពួកគេមានភាពស្និទ្ធស្នាលដូចម្ដាយដែរ។

៤.រឿងដែលត្រូវគិត និងយល់ព្រមទាំងអស់គ្នាជាមុននោះ គឺបញ្ហាសាលារៀនរដ្ឋ ឬសាលាឯកជនដើម្បី ផ្ដល់ចំណោះដឹងដល់ល្អឲ្យកូន។

៥.ចាត់ចែង និងរៀបចំពីវិន័យក្នុងគ្រួសារឲ្យបានល្អជាមុន។

៦.ស្វែងរកមន្ទីរពេទ្យដ៏ល្អមួយ សម្រាប់ប្ដីប្រពន្ធទៅពិនិត្យ និងសម្រាលកូន។ ដោយអ្នកខ្លះមានលទ្ធភាពបានជ្រើសរើសឆ្លងសម្រាលនៅបរទេស ជាមួយពេទ្យល្បីៗ។ ការសម្រាលកូននៅក្រៅប្រទេសមិនមែនសំដៅលើមន្ទីរពេទ្យល្អតែមួយមុខទេ គ្រួសារខ្លះគេព្យាយាមស្វែងរកសញ្ជាតិដទៃឲ្យកូនៗទៀតផង។

រូបតំណាង

៧.រឿងដ៏សំខាន់មួយទៀតមុនពេលមានកូន ម្ដាយឪពុកត្រូវតែឯកភាពគ្នាថា នរណាម្នាក់ជាមើលការខុសត្រូវ និងគ្រប់គ្រងពួកគេ។ រកអ្នកមើលថែ ប្រពន្ធត្រូវឈប់ធ្វើការ ដើម្បីថែរក្សា ឬយកទៅផ្ញើឪពុកម្ដាយ នេះជារឿងត្រូវសម្រេចចិត្តឲ្យបានល្អ៕

ចុចអាន៖ទំនួលខុសត្រូវខ្ពស់ ៦ យ៉ាងនេះ របស់ម្ដាយឪពុក ពេលកូនធំឡើងនឹងមានអនាគតល្អ

ប្រភព៖ familyshare ប្រែសម្រួល៖ ទ្រី រ៉ាវី