ញេចមុនរួចមានស្នាម សាក ៦ វិធីនេះម្ដង គ្មានសល់ស្នាម និងជួយឲ្យមុខកាន់តែរលោង

2017-08-17 07:00:00
ចំនួនមតិ 0 | ចំនួនចែករំលែក 0

មុននៅលើមុខ ជាសត្រូវដ៏ធំបំផុតរបស់មនុស្សស្រីតែម្ដង ហើយអ្វីធ្វើឲ្យស្ត្រីកាន់តែក្ដៅក្រហាយទៀតនោះ គឺស្លាកស្នាមដែលបន្សល់ទុកក្រោយញេចមុន។ តែកុំបារម្ភ ៧ វិធីនេះមិនបន្សល់ស្នាមសូម្បីតែបន្តិចពេលញេចមុនចេញ៖

១.ស្ទីមមុខ

វិធីនេះមានសារៈសំខាន់ខ្លាំងណាស់ ដោយសារចំហាយទឹកក្ដៅប៉ះនឹងមុខជួយបើករន្ធញើស និងពង្រីកគល់មុនឲ្យធំ។ មុនពេលញេច និងក្រោយគួរតែធ្វើម្ដងទៀត ដោយប្រើពេលពីរ-បី នាទី និងអាចបន្ថែមស្លឹកតែបៃតងនៅក្នុងឆ្នាំងដើម្បីសម្លាប់បាក់តេរី។

២.កុំញេចមិនរើសមុខ

ជៀសវាងការកើតមុន និងភាពឈឺចាប់កាន់តែខ្លាំងត្រូវពិនិត្យមើលសភាពមុននោះសិន។ បើមុនមិនទាន់ទុំទេគួរកុំច្របាច់វាអី ព្រោះមុនទើបនឹងកើត មិនអាចញេចចេញបាក់តេរីអស់ តែបណ្ដាលឲ្យតំបន់រងរបួសនោះរីកកាន់តែធំទៅវិញ។ បើកាលណាមុនទុំ យើងអាចញេចវាចេញអស់បាក់តេរី ហើយវាក៏មិនកើតម្ដងទៀតទេ។

៣.លាងសម្អាតដៃ

នៅពេលច្របាច់បាក់តេរីនៅលើមុខ តែបែរជាដៃយើងមានមេរោគព័ទ្ធជុំវិញនោះ មុនរឹតតែកើតឡើងជាបន្តបន្ទាប់។ ដើម្បីឲ្យមុខជាសះស្បើយលឿន គប្បីលាងសម្អាតដៃជាមុនជាមួយសាប៊ូនិងទឹកថ្នាំសម្លាប់មេរោគ ទើបវាមិនរីករាលដាល។

៤.កុំប្រើដៃផ្ទាល់ទៅញេច

ម្រាមដៃ ឬក្រចកមុតស្រួចមានសមត្ថភាពធ្វើឲ្យខូចស្បែក ទោះជាបានលាងសម្អាតហើយក៏ដោយ វាមិនអាចស្អាតទាំងស្រុងឡើយ យកល្អគួរតែប្រើក្រដាសជូតមាត់ ឬសំឡីត្បាល់ត្រចៀកជំនួសដៃវិញទើបគ្មានបាក់តេរីសោះ។ វិធីនេះមិនបណ្ដាលឲ្យហើម ឬរយះស្បែកមុខឡើយ។

៥.ប្រើក្រូចឆ្មារជូតសម្អាត

មិនចង់ឲ្យមានស្លាកស្នាមសូម្បីតែបន្តិច គឺប្រើក្រូចឆ្មារ។ ចិតក្រូចឆ្មារមួយចំណិត ទុកបន្ទាប់ពីញេចមុនរួចត្រូវយកវាមកជូនសម្អាតលើមុខភ្លាមៗទុកចោល ១០ ទៅ ១៥ នាទីចាំលាងសម្អាតជាមួយទឹកធម្មតា។ ថ្វីត្បិតតែវាក្រហាយបន្តិចមែន តែជាតិជូរមានក្នុងក្រូចអាចសម្លាប់បាក់តេរី និងមិនធ្វើឲ្យហើមសាច់។

៦.ទឹកកក

ការប្រើទឹកកកជូតដុសលើមុខភ្លាមៗ បន្ទាប់ពីញេចរួច ព្រោះជួយបង្កើនតុល្យភាព pH និងសម្អាតជាតិខ្លាញ់ មុន និងជួយរឹតបន្តឹងរន្ធញើស។ បន្ទាប់ពីជូតទៅជូតមក ៥ ទៅ ១០ នាទី ត្រូវលាងសម្អាតមុខភ្លាម។

៧.ទឹកឃ្មុំ

បន្ទាប់ពីញេចមុនរួច ហើយទឹកឃ្មុំមកលាបឲ្យសព្វពេញផ្ទៃមុខ ហើយទុកចោល ១៥ នាទីចាំលាងសម្អាតជាមួយទឹកធម្មតា។ នោះយើងនឹងឃើញថាផ្ទៃមុខគ្មានស្នាមអុជ ឬហើមឡើយ ព្រោះទឹកឃ្មុំសម្បូរសារជាតិបំប៉ន ដែលអាចជួយព្យាបាលបានយ៉ាងរហ័ស៕

ចុចអាន៖មានបញ្ហាមុខមុនធ្ងន់ធ្ងរមែនទេ ខ្ញីអាចជួយបាន ថែមទាំងបំបាត់ស្លាកស្នាមបានទៀត!

ប្រភព៖ webtinnhanh ប្រែសម្រួល៖ ទ្រី រ៉ាវី