មិនចង់មានគ្រោះថ្នាក់! មនុស្ស៥ប្រភេទនេះ ហាមញ៉ាំផ្លែម្រះដាច់ខាត

2017-08-17 01:50:53
ចំនួនមតិ 0 | ចំនួនចែករំលែក 0

ផ្លែម្រះត្រូវបានគេស្គាល់ថា ជាប្រភេទបន្លែដែលមានប្រយោជន៍ច្រើនសម្រាប់សុខភាព។ វាសម្បូរទៅដោយវីតាមីន និងសារធាតុរ៉ែដូចជា ប្រូតេអ៊ីន កាល់ស្យូម ប៉ូតាស្យូម ម៉ាញេស្យូម និងជាតិដែកជាដើម។ ប៉ុន្តែដោយសារវាអាចមានផលប៉ះពាល់ខ្លះ ទើបមិនមែនមនុស្សគ្រប់គ្នាសុទ្ធតែអាចញ៉ាំបន្លែល្វីងមួយនេះបានទេ។

អ៊ីចឹងតើមនុស្សណាខ្លះដែលមិនគួរញ៉ាំម្រះ ដើម្បីកុំឱ្យមានបញ្ហាដល់សុខភាព?

ស្ត្រីមានផ្ទៃពោះ និងស្ត្រីបំបៅកូនដោយទឹកដោះ

ផ្លែម្រះមិនសូវសម្បូរជាតិកាកសរសៃ និងជាតិខ្លាញ់ទេ ដូច្នេះវាមិនល្អឡើយសម្រាប់ធ្វើជាអាហារបំប៉នសម្រាប់ស្ត្រីមានផ្ទៃពោះ និងក្រោយពេលឆ្លងទន្លេ។ ក្រៅពីនេះ វាក៏អាចបណ្ដាលឱ្យទៅជាខ្វះជាតិស្ករទៀតផង។

មួយវិញទៀត ម្រះអាចជួយបង្កើនកម្លាំងមាត់ស្បូន ដែលអាចបណ្ដាលឱ្យមានការធ្លាក់ឈាម និងអាចឱ្យកូនកើតមិនគ្រប់ខែក៏ថាបាន។ ចំណែកស្ត្រីបំបៅដោះកូន មិនគួរញ៉ាំបន្លែនេះ ព្រោះសារធាតុប៉ះពាល់ទាំងឡាយអាចជ្រៀតចូលតាមរយៈទឹកដោះ បណ្ដាលឱ្យកូនមានបញ្ហា។

អ្នកមានសម្ពាធឈាមទាប

អ្នកធ្លាប់មានប្រវត្តិសម្ពាធឈាមធ្លាក់ចុះមិនគួរញ៉ាំម្រះទេ ដោយសារបន្លែប្រភេទនេះមានសារធាតុមួយចំនួនដែលបណ្ដាលឱ្យជាតិស្ករនៅក្នុងឈាមកាន់តែធ្លាក់ចុះទាប និងបង្កឱ្យជំងឺខាងលើនេះកាន់តែធ្ងន់ធ្ងរជាងមុន។

អ្នកទើបវះកាត់រួច

អ្នកជំនាញជាច្រើនរកឃើញថា ការញ៉ាំផ្លែម្រះអាចចូលទៅរំខានដល់ការគ្រប់គ្រងកម្រិតគ្លុយកូសក្នុងឈាមទាំងក្នុងនិងក្រោយពេលវះកាត់។ ដូច្នេះជាការល្អ គួរតែបញ្ឈប់ការញ៉ាំអាហារទាំងឡាយដែលមានជាតិម្រះយ៉ាងហោចណាស់២អាទិត្យ ទាំងមុននិងក្រោយពេលដែលត្រូវវះកាត់។

អ្នកមានបញ្ហាថ្លើម និងតម្រងនោម

អ្នកជំងឺទាំង២ប្រភេទនេះ គួរចៀសវាងការញ៉ាំម្រះ ដោយសារវាជាប្រភេទបន្លែដែលពិបាករំលាយ និងអាចបណ្ដាលឱ្យទៅជាហើម។