បើអ្នកកំពុងស្ថិតក្នុងទំនាក់ទំនងដ៏សោះកក្រោះ តើគួរធ្វើបែបណាទើបអាចស្ដារឡើងវិញបាន?

2017-07-28 09:00:00
ចំនួនមតិ 0 | ចំនួនចែករំលែក 0

គ្មានមនុស្សស្រីណាដែលចង់ឲ្យខ្លួនឯងស្ថិតក្នុងទំនាក់ទំនងដ៏សោះកក្រោះនោះទេ ប៉ុន្តែពេលខ្លះវាចៀសមិនរួច ដូច្នេះអ្វីដែលអ្នកគួរធ្វើនោះគឺរកដំណោះស្រាយ តាមវិធីខាងក្រោម ៖

១. និយាយជាមួយគាត់ដោយត្រង់ៗ ៖ អ្នកគួរតែប្រាប់គាត់នូវអារម្មណ៍ដែលអ្នកទទួលបានពីគាត់ ព្រោះពេលខ្លះបើអ្នកមិនប្រាប់គាត់ប្រហែលគ្មានថ្ងៃយល់នោះទេ ដូច្នេះគួរតែរកពេលណាល្អនិយាយជាមួយគាត់។

រូបតំំណាង

**២. ស្វែងយលពីខ្លួនឯង ៖** អ្នកគួរតែក្រឡេកមើលខ្លួនឯងសិនថា តើអ្នកមានធ្វើអ្វីខុស ធ្វើអ្វីដែលគាត់មិនចូលចិត្ត ឬក៏មិនសមរម្យត្រង់ណា បានគាត់មិនសូវចាប់អារម្មណ៍លើអ្នក។

៣. កុំបន្តស្ងាត់ស្ងៀមទៀត ៖ កុំចាំដល់តែអ្នកនិងគាត់ស្រោចស្រង់លែងបានហើយទើបដោះស្រាយវា អ្នកគួរតែនិយាយគ្នាហើយចាំមើលថាគាត់គិតយ៉ាងម៉េច គាត់បន្ត ឬក៏កែប្រែដើម្បីអ្នក បើសិនជាអ្នកនៅតែបន្តបែបនេះ នោះស្នេហាអ្នកនឹងដល់ផ្លូវបំបែកមែនទែនហើយ។

រូបតំំណាង

៤. ព្យាយាមស្ដារទំនាក់ទំនងអ្នកជាមួយគាត់ ៖ បើអាចព្យាយាមនៅក្បែរគាត់ លេងសើច ជាមួយគាត់ឲ្យបានច្រើន ព្រោះពេលខ្លះបើគាត់មិនសូវមាត់ហើយ អ្នកស្ងាត់ទៀតនោះរឹតតែយ៉ាប់ហើយ។ អ្នកអាចធ្វើម្ហូបដែលគាត់ចូលចិត្ត ឬ ក៏ទៅញ៉ាំអីខាងក្រៅបែបរ៉ូមែនទិច ដើម្បីឲ្យគាត់មានអារម្មណ៍ផ្អែមល្ហែមឡើងវិញ។

៥. ធ្វើជាមនុស្សស្រីដែលឯករាជ្យ ៖ អ្នកអាចព្យាយាមផ្សះផ្សាជាមួយគាត់បាន ប៉ុន្តែមិនមែនមានន័យថាអ្នកត្រូវធ្វើអ្វីតាមគាត់នោះទេ អ្នកត្រូវប្រកាន់ជំហរមួយខ្លួនឯងដែលមិនពឹងផ្អែកលើគាត់។

៦.តាំងចិត្តឲ្យរឹងមាំ ៖ អ្នកមិនត្រូវឃុំខ្លួនឯងក្នុងភាពឈឺចាប់នោះទេ អ្នកត្រូវធ្វើខ្លួនឲ្យរឹងមាំ ស្រស់ស្រាយ បើអ្នកមិនអាចដោះស្រាយជាមួយគាត់អ្នកគួរតែចាកចេញទៅរកជីវិតមួយដែលល្អជាងនេះ មិនមែនសម្ងំនៅឲ្យគាត់ធ្វើបាបចិត្តនោះទេ។

រូបតំំណាង

៧. កុំដាក់សម្ពាធលើខ្លួនឯង៖ បើគាត់ផ្ដល់អារម្មណ៍នេះឲ្យអ្នកហើយ អ្នកមិនត្រូវផ្ដល់វាដល់ខ្លួនឯងទៀតទេ ព្យាយាមគេចឲ្យឆ្ងាយពីវា ហើយធ្វើឲ្យខ្លួនឯងរីករាយទើបល្អ ។ អ្នកគួរតែស្វែងរកអ្វីដែលថ្មី និង ប្លែកៗ ដើម្បីលួងខ្លួនឯងកុំឲ្យគិតច្រើនទៀត។ ពេលដែលមានបញ្ហាដោះស្រាយគឺប្រាកដជាត្រូវដោះស្រាយហើយ ប៉ុន្តែបើមិនអាចដោះស្រាយបានអ្នកមិនគួររស់នៅក្នុងភាពឈឺចាប់រហូតនោះទេ។

ចុចអាន៖ ៥ យ៉ាងជួយឲ្យជីវិតស្នេហាចុះសម្រុង និងមិនបែកគ្នាដល់ចាស់កោងខ្នង

ប្រភព៖ Youqueen ប្រែសម្រួល៖ ផេង ផលធិតា