៥ វិធី makeup ដែលស្រីៗគួរតែសាកល្បងរៀនតាមពីស្ទីលកូរ៉េ

2017-07-25 03:00:00
ចំនួនមតិ 0 | ចំនួនចែករំលែក 0

តើអ្នកចង់រៀនពីរបៀបតុបតែងមុខរបស់ជនជាតិកូរ៉េទេ? បើដូចនេះ កញ្ញា សូមបង្ហាញពីការបង្រៀនរបៀប makeup និងលក្ខណៈពិសេសនៃការតុបតែងមុខរបស់នារីកូរ៉េនាពេលសព្វថ្ងៃ៖

១.style ផាត់មុខប្រចាំថ្ងៃ

នេះជារឿងធម្មតាទៅហើយសម្រាប់នារីកូរ៉េ តែប្រចាំថ្ងៃពួកគេមានលក្ខណៈសាមញ្ញ និងដូចធម្មជាតិ ហើយស្បែកមុខតែងមានពន្លឺជានិច្ច។ ដែលភាពពេញនិយមដំបូង គឺពួកគេរៀនតាម PONY ជាអ្នកជំនាញផាត់មុខដ៏ល្បីប្រចាំប្រទេស។

២.style ផាត់មុខបែបទាក់ទាញ

Glam Smokey Burgundy គឺជាស្ទីលផាត់មុខដ៏ទាក់ទាញសម្រាប់នារីកូរ៉េ។ ការ makeup បែបនេះគឺសម្រាប់ទៅពិធីជប់លៀង ឬពិធីបុណ្យផ្លូវការណាមួយ ហើយវាមានភាពទាក់ទាញព្រោះ ការផាត់មុខ និងស្ទីលសក់មានពណ៌ស្វាយខ្ចីពេញទាំងផ្ទៃមុខ។ ម្យ៉ាងទៀត ជនជាតិកូរ៉េចូលចិត្តcontact lenses អាចជួយឲ្យភ្នែកពួកគេមើលទៅធំ ដែលប្លែកពីរូបរាងដើមទាំងស្រុង។

៣.ស្ទីលផាត់មុខពណ៌ទឹកក្រូច

នេះគឺជាពណ៌ដ៏អស្ចារ្យមួយសម្រាប់និទាឃៈរដូវ និងរដូវក្ដៅ ហើយនារីកូរ៉េក៏ចាប់ចិត្តនឹងពណ៌នេះយកមកតុបតែងមុខតែម្ដងទៅ។ ការពិតទៅជនជាតិកូរ៉េពេញចិត្តចំពោះទឹកក្រូច និងពណ៌ផ្កាឈូកពេលតុបតែងមុខ ព្រោះវាបំពេញបន្ថែមឲ្យស្បែករឹតតែស្អាត។ លើសពីនេះទៅទៀតពណ៌ទាំងពីរផ្ដល់ឲ្យមុខនូវពណ៌ដ៏រស់រវើកមួយដោយមិនចាំបាច់តុបតែងច្រើនពេកឡើយ។

៤.បែបសិចស៊ី

style បែបនេះមើលទៅធ្វើឲ្យនារីសិចស៊ី និងពេញបរិបូរណ៍ជាមនុស្សស្រីទាន់សម័យ ហើយការតុបតែងមុខនេះផ្ដោតសំខាន់លើការគូរភ្នែក និងបបូរមាត់។

៥.ស្ទីលបែបស្រស់ស្រាយ

ខណៈដែលជនជាតិកូរ៉េចង់រក្សាមុខមាត់របស់ពួកគេឲ្យមើលទៅសាមញ្ញ តែពួកគេនៅមិនភ្លេចបន្ថែមពណ៌ភ្លឺៗដល់ស្បែកឡើយ។ ពួកគេចូលចិត្តផាត់មុខ និងភ្នែកស្រាលៗ តែបបូរមាត់គឺក្រហមស្រស់តែម្ដង៕

ចុចអាន៖បើចង់ចេះ Makeup ឲ្យស្អាតដូចអ្នកជំនាញ នារីៗមិនគួររំលងវីដេអូមួយនេះ

អត្ថបទ៖ ទ្រី រ៉ាវី