ដឹងល្បិចទាំងនេះ ស្រីៗលែងបារម្ភរឿងវ៉ាលីដាក់ឥវ៉ាន់មិនគ្រប់ទៀតហើយ
- 2017-07-25 02:08:25
- ចំនួនមតិ 0 | ចំនួនចែករំលែក 0
ដឹងល្បិចទាំងនេះ ស្រីៗលែងបារម្ភរឿងវ៉ាលីដាក់ឥវ៉ាន់មិនគ្រប់ទៀតហើយ
ដើរលេងគឺដើម្បីបំបាត់អារម្មណ៍តានតឹង និងបង្កើតអនុស្សាវរីយ៍ល្អៗ ប៉ុន្តែស្រីៗយើងច្រើនមានបញ្ហាម្យ៉ាងគឺគ្មានកន្លែងដាក់ឥវ៉ាន់ដែលចង់យកទៅ។ បើអញ្ចឹងតើគួរធ្វើយ៉ាងណាល្អ? ខាងក្រោមនេះគឺជាគន្លឹះខ្លះដែលអាចជួយអ្នកឲ្យចំណេញកន្លែងដាក់ឥវ៉ាន់បន្ថែមបានច្រើន៖
១. មូលខោអាវជាដុំ៖ វាអាចជួយឲ្យសល់ចន្លោះច្រើនហើយថែមទាំងមិនជ្រួញខោអាវទៀតផង។
២. ខោអាវក្នុងអាចដាក់ពីលើគ្នាបាន៖ លាអាវទ្រនាប់ហើយដាក់ខោក្នុងនៅខាងក្នុងនោះ បន្ទាប់មកបត់វាជាន់លើគ្នាជាការស្រេច។
៣. ចន្លោះស្បែកជើងអាចដាក់ខោអាវក្នុងនោះបាន៖ ជាពិសេសគឺស្រោមជើង ឬអាវយឺត។
៤. យកស្បោងមករុំស្បែកជើង៖ ដើម្បីជៀសវាងកុំឲ្យជ្រុះដីលើខោអាវ។ អ្នកអាចយកថង់ពាក់សក់ដែលឈប់ប្រើមករុំក៏បាន។
៥. ដាក់ខោឬអាវដែលអាចស្លៀកចូលគ្នាបានច្រើនដង៖ ធ្វើបែបនេះយើងមិនចាំបាច់ត្រូវយកទៅច្រើនពេក។ ឧទាហរណ៍ គួរជៀសវាងខោអាវឈុតជាដើមដែលស្លៀកបានតែជាមួយគូវាប៉ុណ្ណោះ។
៦. ការពារគ្រឿងសំអាង៖ ដើម្បីកុំឲ្យម្សៅបែកខ្ទេចពេលធ្វើដំណើរម្ដងៗ អ្នកអាចដាក់សំឡីពីលើវាបាន។
៧. ការពារសាប៊ូ ឬឡេកុំឲ្យកំពប់៖ អ្នកគ្រាន់តែយកថង់ប្លាស្ទិកមកដាក់មាត់ដបហើយបិទពីលើជាកាស្រេច។
៨. ចំពោះវត្ថុដែលងាយបែក៖ អ្នកអាចដាក់ពួកវានៅចន្លោះស្រោមជើង ឬ ខោអាវក៏បាន៕
ចុចអាន៖ បញ្ហាធំ ៤ យ៉ាងរបស់ស្ត្រីនៅកន្លែងធ្វើការ
ចុចអាន៖ អារម្មណ៍ពិបាកទាំង៨ ដែលមនុស្សគ្រប់រូបតែងជួប ហើយត្រូវតែដោះស្រាយវា
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
