៥ ហេតុផលដែលយើងគួរតែកាត់ចិត្ត ពីមនុស្សដែលមិនស្រឡាញ់យើង
- 2017-07-20 09:00:00
- ចំនួនមតិ 0 | ចំនួនចែករំលែក 0
៥ ហេតុផលដែលយើងគួរតែកាត់ចិត្ត ពីមនុស្សដែលមិនស្រឡាញ់យើង
ស្នេហាខ្លះមិនដូចចិត្តយើងដែលប៉ងនោះទេ ពេលខ្លះយើងស្រឡាញ់គេ តែគេមិនស្រឡាញ់យើងក៏មាន ដូច្នេះអ្វីដែលយើងគួរតែដឹងគឺវិធីដើម្បីដកខ្លួនចេញពីភាពឈឺចាប់នេះ ដោយកាត់ចិត្តនឹងដើរចេញព្រោះ ៖
១. កុំឲ្យឈឺចាប់កាន់តែខ្លាំង ៖ បើយើងនៅតែបន្តអារម្មណ៍ស្រឡាញ់បែបនេះទៀត យើងនឹងរឹតតែឈឺចាប់ ហើយគ្មានថ្ងៃអាចដកខ្លួនរួចនោះទេ ដូច្នេះគួរតែព្យាយាមកាត់ចិត្តម្ដងបន្តិចៗ។
**២. បើកឱកាសឲ្យខ្លួនឯង ៖** បើនៅតែស្រឡាញ់គេ យើងគ្មានថ្ងៃមានឱកាសសម្រាប់ខ្លួនឯងក្នុងការមើលឃើញពីមនុស្សដទៃនោះទេ គឺមានតែគេតែប៉ុណ្ណោះ បែបនេះហើយយើងគួរតែដោះលែងខ្លួនឯងដើម្បីរកឃើញអ្វីដែលថ្មី និងមនុស្សដែលត្រូវការយើង។
៣. កុំឲ្យខាតពេលវេលា ៖ មួយជីវិតមនុស្សមិនយូរនោះទេ តែហេតុអីយើងត្រូវប្រើពេលដែលនោះសល់ទៅចំណាយជាមួយមនុស្សដែលមិនស្រឡាញ់យើងផង វាដូចជាបំផ្លាញពេលវេលាច្រើនពេកហើយ។
៤. ឲ្យគេមើលឃើញថាយើងរឹងមាំ ៖ ពេលខ្លះបើយើងនៅតែងប់ងុលជាមួយគេ ប្រហែលគេកាន់តែបានចិត្ត គិតថាខ្លួនឯងអស្ចារ្យ តែបើយើងឈប់ ហើយធ្វើខ្លួនឲ្យប្រសើរ មិនខ្វល់ខ្វាយពីរឿងហ្នឹងទៀត គេអាចនឹងដឹងខ្លួន ហើយអាចស្ដាយក្រោយក៏ថាបាន។
៥. ផ្លាស់ប្ដូរខ្លួនឯង ៖ នៅពេលដែលយើងធ្លាប់ឈឺចាប់ ហើយយើងអាចទាញខ្លួនឯងចេញបាននោះ យើងនឹងមានការផ្លាស់ប្ដូរ ពេលនោះហើយយើងនឹងដឹងថានៅមានមនុស្សជាច្រើនទៀតដែលល្អជាងនេះ ហើយយើងនឹងត្រៀមខ្លួនសម្រាប់ទទួលយកវា។
បើគេមិនស្រឡាញ់យើងទៅហើយ មានតែដើរចេញ និង ព្យាយាមកាត់ចិត្តទៅ៕
ចុចអាន៖នារីធ្លាប់ឈឺចាប់ដោយសារស្នេហាខ្លាំងប៉ុណ្ណា នឹងក្លាយជានារីដ៏ល្អបំផុតសម្រាប់ស្នេហាក្រោយ