មូលហេតុដែលធ្វើឲ្យមនុស្សប្រុស ចូលចិត្តសម្គាល់ទម្លាប់ ៧ យ៉ាងរបស់ស្រីៗ
- 2017-07-17 07:01:50
- ចំនួនមតិ 0 | ចំនួនចែករំលែក 0
មូលហេតុដែលធ្វើឲ្យមនុស្សប្រុស ចូលចិត្តសម្គាល់ទម្លាប់ ៧ យ៉ាងរបស់ស្រីៗ
មិនថាជាមិត្តភ័ក្ដិ,សង្សារ ឬគូដណ្ដឹងទេ ប្រុសៗតែងតែមើលពីចំណុចទាំង ៨ របស់មនុស្សស្រី ព្រោះនេះជាទម្លាប់របស់ពួកគេទៅហើយ។ តើគេកត់សម្គាល់ចំណុចទាំងនោះ ដើម្បីអ្វីទៅ៖
១.ការញ៉ាំ
សម្រាប់មនុស្សស្រីពេលឃើញអាហារខ្លួនចង់បរិភោគហើយនោះ មិនបានគិតអ្វីវែងឆ្ងាយទេ គឺគិតតែពីញ៉ាំៗ តាមបែបធម្មជាតិដែលមានស្រាប់។ ប៉ុន្តែបុរសគេមិនបានគិតពីរឿងធម្មជាតិ ឬសម្ដែងឡើយតែគេនឹងសម្គាល់ ហើយសម្លឹងមើលយើងញ៉ាំរហូត ព្រោះដើម្បីដឹងថាយើងចូលចិត្តញ៉ាំអាហារបែបណា។
**២.ការ makeup**
បើយើងផាត់មុខស្រាលៗបែបធម្មជាតិ គេក៏ចំណាំ ហើយបើយើងផាត់ក្រាស់ៗវិញគេរឹតតែចំណំាំទៅទៀត។ ព្រោះគេនឹងប៉ាន់ប្រមាណថាក្នុងពេលជួបគ្នាម្ដងៗ តើយើងត្រូវចំណាយពេលលើការតុបតែងខ្លួននេះប៉ុន្មាន ទាំងពេលវេលា និងថវិកា។
៣.ប្រភេទភេសជ្ជៈ
ពេលជួបគ្នាម្ដងៗគេតែងសម្គាល់ពីរបៀបរបបយើងជានិច្ច រាប់ទាំងអាហារ និងភេសជ្ជៈ ហើយបើរាល់លើកយើងតែងកុម្ម៉ង់ស្រា ឬភេសជ្ជៈដែលមានជាតិអាកុល នោះគេនឹងគិតថា យើងជាមនុស្សស្រីញៀននឹងរបស់អស់ទាំងនោះ។
៤.ពណ៌សំលៀកបំពាក់
ប្រសិនបើជួបគ្នារាល់លើកស្រីៗចូលចិត្តស្លៀកសំលៀកបំពាក់ពណ៌ដដែលៗ ឬមានតែពីរ-បី ពណ៌ គេដឹងនឹងភ្លាម។ ជាពិសេសប្រុសៗអាចនឹងទិញវត្ថុអនុស្សាវរីយណាដែលមានពណ៌ដូចខោអាវជូនយើងក៏មាន។
៥.ស្នាមញញឹម
បុរសចូលចិត្តសង្កេតមើលស្នាមញញឹមរបស់មនុស្សស្រីណាស់។ ព្រោះគេនឹងដឹងថា យើងជានារីដែលមានភាពស្រស់ស្រាយជានិច្ច តាមរយៈស្នាមញញឹមនេះឯង។
៦.តន្ត្រី
នៅហាងដែលជាកន្លែងណាត់គ្នាប្រាកដជាមានភ្លេងកំដរអារម្មណ៍ជាមិនខាន ហើយបើយើងច្រៀងតាមគេដឹងភ្លាម។ ដូចនេះបើលើកក្រោយពេលឮភ្លេងនេះទៀត គេនឹងនិយាយថានេះជាបទសំណព្វចិត្តយើង។
៧.បញ្ហាដែលធ្វើឲ្យយើងភ័យខ្លាច
ពេលនៅជិតគ្នាយូរៗមនុស្សប្រុសប្រាកដជាដឹងថារបស់ ឬសត្វអ្វីដែលធ្វើឲ្យយើងភ័យខ្លាច។ ដូចនេះពេលជួបរឿងអស់ទាំងនោះលើកក្រោយ គេនឹងព្យាយាមយកវាទៅឲ្យឆ្ងាយពីយើងជាមិនខាន៕
ចុចអាន៖៥ តិចនិកសម្រាប់ស្រីៗ ពេលស្រឡាញ់គេខ្លាំង តែមិនឲ្យគេដឹងចិត្ត