ស្រីៗចង់បានប្ដីមានលក្ខណៈសម្បត្តិទាំង ៦ ចំណុចនេះ ជាជាងភាពស្រស់សង្ហា

2017-07-14 05:30:00
ចំនួនមតិ 0 | ចំនួនចែករំលែក 0

ជាការពិតណាស់ មនុស្សស្រីណាក៏ចង់បានបុរសទាំង ៦ ប្រភេទនេះមកជាគូគ្រងដែរ ព្រោះពួកគេមានចំណុចលេចធ្លោជាងមនុស្សប្រុសដទៃ។ ៦ ប្រភេទនោះ មានលក្ខណៈបែបណាខ្លះ ទើបបានស្រីៗដណ្ដើមគ្នាចង់បានខ្លាំងម្ល៉េះណ៎?

១.មនុស្សប្រុសមានសិល្បៈទាក់ទាញ៖ មិនមែនមនុស្សប្រុសទាំងអស់អាចមានសិល្បៈទាក់ទាញចិត្តស្ត្រីនោះទេ ហើយបុរសប្រភេទនេះទោះមិនស្អាតក៏ស្រីៗលង់ស្រលាញ់ដែរ។

២.មានភាពកំប្លុកកំប្លែង៖ ស្ត្រីគ្រប់រូបចូលចិត្តសើច ព្រោះវាជាពេលវេលាល្អក្នុងជីវិត។ ដូចនេះជាធម្មតាពួកយើងចូលចិត្តបុរសគួរឲ្យអស់សំណើច ដែលអាចធ្វើឲ្យយើងសើចបានគ្រប់ពេលនិងមិនចេះធុញទ្រាន់ឡើយ។

៣.បុរសក្លាហាន៖ បុរសដែលមានភាពក្លាហាន និងមានភាពរឹងមាំ តែងស្ថិតនៅក្នុងជម្រើសទី១របស់ស្រីៗ។ ភាពមោះមុតមិនងាយចុះចាញ់នេះ ដែលមនុស្សប្រុសអាចឆក់យកបេះដូងនារីៗយ៉ាងស្រួលបំផុត។

៤.មានភាពម្ចាស់ការលើខ្លួនឯង៖ ស្រីៗមិនចូលចិត្តប្រុសៗដែលសម្ដែងឫកពានោះទេ តែយើងស្រលាញ់បុរសណាដែលមានក្លែងបន្លំ ឬធ្វើពុត។ មនុស្សស្រីគិតថា គ្មាននរណាម្នាក់ដែលមានមន្តស្នេហ៍ដូចបុរសមានឫកពាធម្មជាតិៗ មិនចាំបាច់ប្រឹងធ្វើនៅនឹងមុខគេនោះទេ។

៥.បុរសមានការគោរព៖ បើបុរសដែលចូលចិត្តគេងចំណេញលើអ្នកដទៃ មនុស្សស្រីគ្មានថ្ងៃយកភ្នែកទៅមើលនោះទេ។ តែពួកនាង លង់ស្រលាញ់បុរសដែលគោរពមនុស្សគ្រប់រូប ជាពិសេសអ្នកតូចទាបជាងខ្លួនតែម្ដង។

៦.មានប្រាជ្ញា៖ ស្ត្រីមិនអាចប្រកែកបានឡើយថាខ្លួនឯង មិនចូលចិត្តបុរសដែលមានចំណុចអស្ចារ្យនេះ។ បុរសមានចំណេះដឹងជ្រៅជ្រះ,ដឹងខុសត្រូវ,ដឹងអាក្រក់ល្អ នឹងក្លាយជាបុរសមានមន្តស្នេហ៍ខ្លាំងជាងបុរសរូបសង្ហាទៅទៀត៕

ចុចអាន៖ភាពខុសគ្នារវាងស្រឡាញ់មនុស្សម្នាក់ពិត និងការធ្លាក់ក្នុងអន្លង់ស្នេហ៍គេ

ប្រភព៖ Youqueen ប្រែសម្រួល៖ ទ្រី រ៉ាវី