អ្នកណាថារួមភេទក្នុងអំលុងពេលមករដូវជារឿងអាក្រក់?

2017-07-13 12:00:00
ចំនួនមតិ 0 | ចំនួនចែករំលែក 0

ច្បាប់ធម្មជាតិដែលកំណត់មកសម្រាប់មនុស្សគ្រប់គ្នាទាមទារឱ្យមានការបន្តពូជពីមួយជំនាន់ទៅមួយជំនាន់ហើយដោយសារតែមូលហេតុនេះ ទើបមនុស្សត្រូវតែមានការរួមភេទជាចាំបាច់។ ធ្មជាតិរបស់ស្ត្រីគ្រប់រូបគឺមាន «វដ្តរដូវ» ដែលនេះបញ្ជាក់ថាពួកគេឈានចូលដល់វ័យដែលអាចបន្តពូជបានហើយ។ ប៉ុន្តែជឿជាក់ថាស្ត្រីខ្លួនឯង ភាគច្រើនមិនទាន់បានយល់ដឹងគ្រប់ជ្រុងជ្រោយ ទាក់ទងនឹងការរួមភេទក្នុងអំលុងពេលមករដូវនៅឡើយទេ។ តួយ៉ាងដូចជាការអះអាងទាំង ៥ ខាងក្រោមនេះបញ្ជាក់យ៉ាងច្បាស់ថា ការរួមភេទពេលមករដូវគឺជារឿងល្អទៅវិញ ព្រោះ៖

១. ការមករដូវមិនបង្កឱ្យមានជំងឺឆ្លងនៅពេលរួមភេទទេ

ស្ត្រីភាគច្រើនប្រហែលជាមានអារម្មណ៍ថាទើសទាល់នៅពេលដែលខ្លួនរួមភេទក្នុងអំលុងពេលមករដូវ ព្រោះពួកគេយល់ថាវាគ្មានអនាម័យហើយអាចបង្កជាជម្ងឺឆ្លងផ្សេងៗ។ ប៉ុន្តែការពិតវាមិនមានផលប៉ះពាល់អ្វីទេ រីឯជំងឺឆ្លងទាំងនោះវិញអាចកើតឡើងបានលុះត្រាតែស្រ្តីគ្មានអនាម័យក្នុងការថែរក្សាអវយវៈភេទរបស់ខ្លួនក្នុងពេលមករដូវ ជាពិសេសវាស្តែងចេញតាមរយៈការមិនផ្លាស់ប្តូរសំឡីអនាម័យឱ្យបានញឹកញាប់ ឬការមានមេរោគផ្សិតជាដើម។

រូបតំណាង

**២. រួមភេទក្នុងពេលមករដូវគ្មានអ្វីជាភាពទើសទាល់ទេ**

ភាគីខាងប្រុសប្រហែលអាចមានអារម្មណ៍មិនស្រណុក ប៉ុន្តែបរិមាណឈាមរដូវរបស់ស្ត្រីមានត្រឹមតែ ៤០ ទៅ ៥០ មីលីលីត្រក្នុងរយៈពេលបួនទៅប្រាំថ្ងៃប៉ុណ្ណោះ ដូច្នេះដៃគូមិនចាំបាច់បារម្ភថាឈាមរដូវជាបញ្ហាគួរឱ្យធុញទ្រាន់ឡើយ។

រូបតំណាង

៣. ដៃគូអាចនឹងឈានដល់កម្រិតកំពូល

ការរួមភេទក្នុងពេលមករដូវអាចធ្វើឱ្យដៃគូទាំងសងខាងឈានដល់កម្រិតកំពូល។

៤. មិនធ្វើឱ្យមានការឈឺចាប់

វាមិនបង្កឱ្យស្ត្រីមានការឈឺចាប់ ឬធ្វើឱ្យឈាមរដូវកាន់តែមានបរិមាណច្រើននោះទេ។

៥. ស្ត្រីនៅតែអាចមានផ្ទៃពោះ

ដំណាក់កាលមករដូវគឺជាពេលដែលស្ត្រីកំពុងបញ្ចេញចោលនូវស៊ុតបង្កកំណើត។ ក្នុងករណីដែលឈាមរដូវរបស់ស្ត្រីមានតិច អត្រានៃការមានផ្ទៃពោះនឹងមានច្រើន ហើយបើសិនជាឈាមរដូវច្រើននោះអត្រាដែលអាចមានផ្ទៃពោះនឹងមានតិចវិញ៕

ចុចអាន៖ វិធីអ្វីខ្លះកាត់បន្ថយភាពឈឺចាប់ពេលរួមភេទលើកដំបូង?

ប្រភព៖ curejoy ប្រែសម្រួល៖ អ៊ុង រ័ត្នបញ្ញា