ទម្លាប់៥យ៉ាង ដែលអាចធ្វើឲ្យមនុស្សស្រីខ្វាក់ភ្នែក

2017-07-13 09:10:00
ចំនួនមតិ 0 | ចំនួនចែករំលែក 0

ពិការភាពភ្នែក អាចមានតាំងពីកំណើត ឬក៏អាចចាប់ផ្តើម នៅពេលណាមួយនៃការលូតលាត់របស់មនុស្ស។ មនុស្សគ្រប់រូប ពិតជាមិនចង់ពិការ ឬ ខ្វាក់ភ្នែកនោះទេ ព្រោះថាភ្នែកជាផ្នែកមួយដ៏សំខាន់ សម្រាប់សម្រស់ និងការមើលឃើញ។ ប៉ុន្តែ មានរឿងមិនសូវសមហេតុផល ៥យ៉ាង ដែលអាចធ្វើឲ្យមនុស្សស្រីតែម្តង ងាយនឹងខ្វាក់ភ្នែក។

១. ការពាក់ contact lenses ដោយមិនបានយកចិត្តទុកដាក់

Contact lenses មានប្រយោជន៍សម្រាប់អ្នកមីញ៉ុប ដែលអាចពាក់ទៅ ងាយស្រួលប្រើជាងវ៉ែនតា។ សម័យឥឡូវ ស្រីៗក៏ពាក់ contact lenses ដើម្បីលំអរកែវភ្នែកឲ្យមើលទៅមានព័ណ៌ស្អាតផងដែរ។ ប៉ុន្តែចំពោះការពាក់មិនបានយកចិត្តទុកដាក់ ដូចជាគេងទាំងពាក់ lens ឬ ពាក់ lens ហួសម៉ោងកំណត់ក៏អាចបណ្តាលឲ្យខ្វាក់ភ្នែកផងដែរ ព្រោះវាធ្វើឲ្យភ្នែកគ្មានផ្លូវ ដើម្បីបញ្ចេញ ឬ បញ្ជូលអុកស៊ីសែន។

២. ការជក់បារី

ទាំងអ្នកដែលជក់ផ្ទាល់ និងអ្នកដែលស្រូបយកក្លិនផ្សែងបារី សុទ្ធតែអាចបណ្តាលឲ្យបាតភ្នែកចុះខ្សោយ។

៣. ពេលចាប់ផ្តើមអស់រដូវ

ពេលស្ត្រីអស់រដូវ វាមិនត្រឹមតែមានការផ្លាស់ប្តូរផ្នែករាងកាយ និងផ្លូវចិត្តប៉ុណ្ណោះទេ តែវាក៏ប៉ះពាល់ដល់ប្រស្រីភ្នែកផងដែរ។

៤. ការប្រើប្រាស់ថ្នាំ

ថ្នាំមួយចំនួន ក៏អាចធ្វើឲ្យប៉ះពាល់ដល់ភ្នែកផងដែរ។ ដូច្នេះ សូមមើលការណែនាំឲ្យបានត្រឹមត្រូវជាមុនសិន មុននឹងសម្រេចចិត្តប្រើប្រាស់។

៥. សម្លឹងមើលពន្លឺព្រះអាទិត្យ

ការសម្លឹងមើលព្រះអាទិត្យចំៗ អាចធ្វើឲ្យភ្នែកស្រវាំង ហើយឆាប់ខ្វាក់។

ដូចនេះ សុភាពនារី គួរមានការប្រុងប្រយ័ត្នខ្ពស់ ចំពោះការថែទាំសុខភាពភ្នែក។ ប្រសិនបើភ្នែកមានបញ្ហា សូមប្រញាប់ទៅជួបគ្រូពេទ្យជាបន្ធាន់ ដើម្បីបង្ការកុំឲ្យយឺតពេល រហូតដល់ថ្នាក់ត្រូវវះកាត់ជាដើម៕

ចុចអាន៖ ចង់ឲ្យភ្នែកនៅមើលឃើញច្បាស់ ញ៉ាំអាហារ៧មុខនេះឲ្យបានច្រើន

ប្រភព៖ curejoy ប្រែសម្រួល៖ ភារី