បច្ចេកវិទ្យាជួយសាងស្នេហាបានលឿន តែក៏អាចឲ្យបែកគ្នាលឿនដែរ

2017-07-11 00:58:00
ចំនួនមតិ 0 | ចំនួនចែករំលែក 0

យើងអាចនិយាយបានថាបច្ចេកវិទ្យាធ្វើឲ្យជីវិតកាន់តែងាយស្រួល ប៉ុន្តែនេះគ្រាន់តែជាជ្រុងម្ខាងប៉ុណ្ណោះ។ នៅជ្រុងម្ខាងទៀត បច្ចេកវិទ្យាក៏អាចឲ្យស្នេហាដ៏ផ្អែមល្ហែមមួយក្លាយជាសោះកក្រោះបានដែរ៖

១. នាំឲ្យមានការយល់ច្រឡំច្រើន៖ ជួនកាលយើងឆ្ងល់ហេតុអ្វីគេគ្រាន់តែ Like មិន Comment? ហេតុអ្វីគេផ្ញើតែ Stickers អញ្ចឹង? ការគិតបែបនេះច្រើនវានាំឲ្យមានការយល់ច្រឡំកាន់តែច្រើនទាំងតាមពិតគេអាចមានហេតុផលអ្វីមួយ។ គ្មានអ្វីប្រសើរជាងការនិយាយគ្នាផ្ទាល់ ឬជួបផ្ទាល់នោះទេ។

២. ការផុសបញ្ចេញកំហឹងពេលខឹងគ្នា៖ ការថ្នាំងថ្នាក់អាចកើតឡើងចំពោះគូស្នេហ៍ តែបើអ្នកយកកំហឹងក្នុងចិត្តទាំងនោះមកបង្ហាញជាសាធារណៈ អ្វីៗនឹងរឹតតែអាក្រក់ឡើង។

៣. ភ្លេចភាពពិតជាក់ស្ដែង៖ អ្នកបានចំណាយពេលកាន់តែច្រើនឡើងក្នុងការលេងបណ្ដាញសង្គម តែបែរជាមិនផ្ដល់តម្លៃទៅលើភាពពិតនៅខាងក្រៅទៅវិញ។ យល់ល្អគួរតែចំណាយពេលជាមួយគ្នាឲ្យបានច្រើន មិនមែនផ្ញើតែរូបបេះដូងទៅមកទេ។

៤. ប្រៀបធៀបជាមួយអ្នកដទៃ៖ ពេលឃើញគេបង្ហោះច្រើន យើងក៏ចាប់ផ្ដើមប្រៀបធៀប។ ការធ្វើបែបនេះមិនបាននាំអ្វីមកជាដុំកំភួនទេ តែបែរជាធ្វើឲ្យយើងមិនសប្បាយចិត្តទៅវិញ។

៥. ញៀននឹង Smartphone ខ្លាំងជ្រុល៖ សាកគិតទៅមើលថាអ្នកចំណាយពេលចុចទូរស័ព្ទប៉ុន្មានម៉ោងក្នុងមួយថ្ងៃ? ការធ្វើដូចនេះគឺវាងាយណាស់ក្នុងការទាញទំនាក់ទំនងស្នេហាអ្នកឲ្យក្លាយជាឥតន័យ៕