Style ៣ នេះនារីៗចូលចិត្តពាក់ តែបែរជាគ្មានភាពលេចធ្លោ ព្រោះមិនទាន់ដល់កម្រិត

2017-07-10 09:00:00
ចំនួនមតិ 0 | ចំនួនចែករំលែក 0

មនុស្សស្រីជាច្រើនធ្លាប់ស្លៀកពាក់បែបនេះដែរ គ្រាន់តែច្នៃវាមិនទាន់ដល់កម្រិតប៉ុណ្ណោះ ហើយពេលស្លៀកទៅគ្មានភាពទាក់ទាញ។ ដូចនេះ កញ្ញា នឹងបង្ហាញពីស្ទីលស្លៀកពាក់ដ៏ត្រឹមត្រូវ ហើយអាចទទួលបានភាពស្រស់ស្អាតខ្លាំងថែមទៀតផង៖

១.ពាក់អាវសំយេះស្មាស្ទើរ

ការពាក់អាវសំយេះស្មា គឺជា style មិនអាចខ្វះបានសម្រាប់មនុស្សស្រី តែហេតុអ្វីអ្នកខ្លះពាក់ស្អាត ហើយអ្នកខ្លះទៀតពាក់មិនស្អាត។ មិនពិបាកទេ អ្នកដែលពាក់អាវបែបនេះស្អាតមកពីគេទាញវាឲ្យផុតពីចុងស្មា មិនមែននៅគល់ស្មា ធ្វើបែបនេះអាចបង្ហាញពីរូបរាងស្មាយ៉ាងច្បាស់។

២.ពាក់អាវជាមួយស្លៀកសំពត់មិនតឺនុយ

ស្រីៗត្រូវចាំថា ទោះសំពត់ខ្លី,វែង ,រលុង ឬរឹបរាងទេគឺត្រូវតឺនុយទាំងអស់។ ព្រោះការតឺនុយអាចធ្វើឲ្យមនុស្សស្រីមានគន្លាក់ចង្កេះ។ តែមិត្តៗនារីមួយចំនួនមិនបានធ្វើបែបនេះ ទើបការស្លៀកពាក់ពួកគេមិនទាក់ទាញ និងមើលទៅគ្មានរសនិយមទាល់តែសោះ។

៣.ពេលស្លៀកខោខោវប៊យកុំតឺនុយទាំងស្រុង

ចំណុចដែលនាំឲ្យសំលៀកបំពាក់យើងស្លៀកគ្មានភាពទាក់ទាញ ព្រោះការតឺនុយទាំងអស់ចូលទៅក្នុងខោនេះឯង។ ទោះជាពាក់អាវអ្វីក៏ដោយ នារីៗជៀសវាងការស៊កវាចូលទៅទាំងអស់ តែគួរតែដាក់ជាយអាវខាងមុខបន្តិចចូលទៅបានហើយ។ ម្យ៉ាងទៀតមិនគួរឲ្យវារឹបខ្លាំងនៅចំណុចតឺនុយនោះទេ តែគួរទាញវាឲ្យរលុង៕

ចុចអាន៖ស្រីៗដឹង ៦ របៀបស្លៀកពាក់នេះ ទោះខោអាវចាស់ៗក៏មើលទៅសិចស៊ីដែរ

ប្រភព៖ afamily ប្រែសម្រួល៖ ទ្រី រ៉ាវី