ពេលស្រលាញ់គ្នា កុំស្អីក៏យកមកបង្ហោះ Facebook ពេលបែកគ្នាក៏ដូចគ្នា

2017-07-09 02:43:14
ចំនួនមតិ 0 | ចំនួនចែករំលែក 0

Facebook មិនមែនជាកន្លែងសម្រាប់អ្នកនិទានរឿងស្នេហារបស់ខ្លួនឲ្យពិភពលោកទាំងមូលបានដឹងនោះទេ។ ទំព័រ Facebook ឯកជនប្រៀបដូចជាផ្ទះរបស់អ្នកដែរ គ្មានអ្នកមានសិទ្ធិឲ្យអ្នកគួរធ្វើអីឬមិនគួរធ្វើអីនោះទេ។ តែវាមិនមែនមានន័យថាអ្នកអាចធ្វើអ្វីគ្រប់បែបយ៉ាងនៅទីនោះដែរ។ បើនៅជីវិតខាងក្រៅ គេចាំឃ្លាំមើល សើចចំអក រិះគន់ តិះដៀលអ្នកដូចម្ដេច នៅលើ Facebook ក៏វាមិនខុសគ្នានោះដែរ។

ដូច្នេះហើយ រឿងកាន់តែឯកជនកាន់តែមិនគួរបង្ហោះជាសាធារណៈឲ្យគេដឹងនៅលើបណ្ដាញសង្គមមួយនេះ។ រឿងទាក់ទងគ្រួសារ ឪពុកម្ដាយ ប្ដីប្រពន្ធ កូនចៅ ហើយសង្សារ សុទ្ធតែជារឿងដែលគួរតែទុកសម្រាប់តែខ្លួនឯង។ យើងដឹងតែយើងគឺគ្រប់ហើយ មានគេដឹងច្រើននឹងមិនធ្វើឲ្យជីវិតមួយនេះងាយស្រួលជាងមុននោះឡើយ។

ជាពិសេសគឺរឿងស្នេហា តាមពិតទៅវាគឺជារឿងរបស់បុគ្គល២នាក់តែប៉ុណ្ណោះ គ្មានហេតុផលអីត្រូវយកមកបង្ហោះលើ Facebook អួតគេទេ។ ការlike និងcommentសរសើរ២-៣នឹងមិនធ្វើឲ្យមនោសញ្ចេតនារបស់អ្នកស្អិតល្មួតថែមនោះទេ តែអ្នកប្រហែលជាដឹងពីលទ្ធផលនៃការបង្អួតសង្សារលើ Facebook ហើយមែនទេ?

ពេលស្រលាញ់គ្នាក៏អ៊ីចឹង ពេលបែកគ្នាក៏អ៊ីចឹង កុំប្រតាយប្រតប់ ហែកកេរ្តិ៍គ្នាលើ Facebook អី។ នេះមិនមែនជាសៀវភៅកំណត់ហេតុប្រចាំថ្ងៃទុកឲ្យអ្នកមកបរិយាយប្រាប់អ្នកទាំងអស់គ្នានោះទេ។ បើចង់យំ យំជាមួយមិត្តភ័ក្ដិ មិនមែនថតរូបទឹកភ្នែកទឹកសំបោររួចបង្ហោះនោះឡើយ។

ហើយអ្នកក៏មិនចាំបាច់បង្ហាញឲ្យគេដឹងថាខ្លួនគ្មានកើតអីដោយវិធីបង្ហោះរូបផ្អែមល្ហែមជាមួយបុរសថ្មីនោះដែរ។ ទង្វើនេះនឹងមិនធ្វើឲ្យសង្សារចាស់ច្រណែននោះទេ តែអ្នកផងនឹងវាយតម្លៃអ្នកថាជាស្រីចិត្តងាយ ព្រោះបែកគ្នាមិនទាន់បានអីផង មានប្រុសថ្មីបាត់។

ចុចអាន៖ ស្រីៗដាច់ខាតកុំធ្វើរឿង ៦ យ៉ាងនេះលើ Facebook ឲ្យសោះ

ជាចុងបញ្ចប់ រាល់អនុស្សាវរីយ៍ទុកសម្រាប់តែ២នាក់បានហើយ ព្រោះបើជ្រុលបង្ហោះហើយ ថ្ងៃក្រោយអាចជាអ្នកអង្គុយលុបរូបមួយៗនោះក៏ថាបាន៕

ប្រភព៖ Guu ប្រែសម្រួល៖ Caramel