ល្បីថាញ៉ាំអាហារទាំងនេះចូលគ្នាធ្វើឲ្យយើងមានគ្រោះថ្នាក់ ពិតអត់?

2017-07-07 04:00:00
ចំនួនមតិ 0 | ចំនួនចែករំលែក 0

កន្លងមកយើងតែងតែឮថាការញ៉ាំអាហារ មួយចំនួនចូលគ្នាអាចធ្វើឲ្យយើងមានគ្រោះថ្នាក់បាន អីចឹងប្រសិនបើយើងញ៉ាំអាហារខាងក្រោមជាមួយគ្នាតើវាអាចបណ្ដាលឲ្យយើងមានបញ្ហាដែរឬទេ?

១. តៅហ៊ូ ជាមួយទឹកឃ្មុំ ៖ មានមនុស្សមួយចំនួននិយាយថាការបរិភោគរួមគ្នានឹងបណ្ដាលឲ្យយើងថ្លង់។ តែនោះមិនមែនជាពិតទេ អាហារទាំងពីរមុខនេះសុទ្ធតែជារូបមន្តដ៏ឆ្ងាញ់ដែលអាចបរិភោគជាមួយគ្នាដោយគ្មានបញ្ហា។

រូបតំណាង

**២. ដំឡូង និងផ្លែចេក ៖** ការពិតគឺគ្មានបញ្ហាអីនោះទេ ដំឡូង និងចេក សុទ្ធតែជាអាហារធ្វើឲ្យស្បែកស្អាត ហើយថែមទាំងអាចការពារស្បែក ដែលបង្កឡើងដោយការប៉ះពាល់ជាមួយនឹងពន្លឺព្រះអាទិត្យ ។

រូបតំណាង

៣. ចេក និងត្រាវ ៖ មានអ្នកលើកឡើងថាការញ៉ាំអាហារទាំងនេះចូលគ្នាគឺបណ្ដាលឲ្យហើមពោះ។ ប៉ុន្តែនោះជារឿងមិនពិត បើសិនជាអ្នកញ៉ាំក្នុងបរិមាណសមល្មម វាមិនបណ្ដាលឲ្យប៉ះពាល់អ្វីនោះទេ ការដែលហើមពោះគឺដោយសារ ការរំលាយអាហារមិនបានល្អប៉ុណ្ណោះ។

រូបតំណាង

៤. ចេក, ល្ហុង និងឪឡឹករួមគ្នា ៖ គេថាទទួលទានអាហារទាំងនេះរួមគ្នាអាចធ្វើឲ្យមានជំងឺតម្រងនោម និងជំងឺទឹកនោមផ្អែម ប៉ុន្តែនោះជាការលើកឡើងមិនពិត។ មូលហេតុនៃជំងឺតម្រងនោម និងជំងឺទឹកនោមផ្អែម មិនមែនមកពីការទទួលទានអាហារទាំងនេះទេ តែវាបណ្ដាលមកពី ទម្លាប់បរិភោគផ្សេងៗ និងរសជាតិនៃអាហារទាំងនោះ។ ជំងឺតម្រងនោមកើតឡើងដោយសារការបរិភោគប្រៃមិនមែនមកពីបរិភោគផ្លែឈើទាំងនេះឡើយ។

រូបតំណាង

៥. ផ្លែមង្ឃុត និងស្ករ ៖ មនុស្សមួយចំនួនធំនៅតែនិយាយថា ការញ៉ាំអាហារទាំងនេះរួមគ្នានឹងធ្វើឲ្យយើងស្លាប់ តែនោះមិនមែនជាការពិតទេ។ វាមានគ្រោះថ្នាក់ចំពោះអ្នកដែលមានទឹកនោមផ្អែមប៉ុណ្ណោះ ដូខនេះទើបគេមិនឲ្យញ៉ាំព្រោះវាមិនល្អ។ ម្យ៉ាងទៀតដោយសារតែផ្លែឈើនេះមានជាតិស្ករខ្ពស់ស្រាប់ទៅហើយ ទើបគេមិនឲ្យយើងបន្ថែមស្ករទៀត ព្រោះអាចធ្វើឲ្យយើងលើសជាតិស្ករតែប៉ុណ្ណោះ៕