មើលទៅដូចមិនអីតែទម្លាប់ទាំងនេះអាចបំផ្លាញសក់អ្នកបាន

2017-07-04 04:15:09
ចំនួនមតិ 0 | ចំនួនចែករំលែក 0

ចំពោះស្ត្រី សក់គឺជាគ្រឿងបន្ថែមសម្រស់យ៉ាងសំខាន់បំផុត តែការថែរក្សាសក់ឲ្យស្រស់ស្អាតជានិច្ចអាចមិនមែនជារឿងងាយស្រួលទេ។ ខាងក្រោមនេះគឺជាទម្លាប់មិនល្អមួយចំនួនដែលអ្នកគួរតែបញ្ឈប់បើមិនចង់ឲ្យសក់ខូចទេ៖

១. ប្រើសាប៊ូបន្ទន់ច្រើន៖ ការប្រើសាប៊ូបន្ទន់អាចជួយឲ្យសក់ទន់រលោងមែនតែមិនគួរប្រើញឹកញាប់ពេកទេ។

២. រើសក្រាស់សិតសក់៖ ប្រភេទក្រាស់ដែលត្រឹមត្រូវគឺក្រាស់ដែលមានសភាពទន់ ហើយម្យ៉ាងទៀតអ្នកគួរតែមើលពីប្រភេទសក់ និងប្រវែងសក់ផងថាគួរប្រើក្រាស់ទំហំប៉ុណ្ណាទើបសក្ដិសម មិនមែនក្រាសណាក៏បានទាំងអស់នោះទេ។

៣. ចងសកទៅក្រោយតឹងជ្រុល៖ ការបួសសក់ចងទៅក្រោយគឺជាវិធីដ៏រហ័សសម្រាប់អ្នកដែលគ្មានពេលច្រើនប៉ុន្តែបើចងបែបនេះជាប្រចាំ ហើយចងតឹងទៀតនោះគឺវាអាចបំផ្លាញសក់ផ្នែកខាងមុនបាន។

៤. សិតសក់ទាំងទទឹក៖ ជាទម្លាប់មួយដែលអាចបំផ្លាញសក់ខ្លាំងបំផុតព្រោះពេលសើមគឺជាពេលដែលសក់ផុតស្រួយបំផុត។

៥. ឧស្សាហ៍កៀបសក់៖ បើអាចគួរតែកៀបយូរៗម្ដងបានហើយ។

៦. លាបសក់ខ្លួនឯង៖ ស្ដាប់ទៅដូចជាវិធីល្អមួយព្រោះវាថោក ហើយចំណេញពេលវេលា។ ប៉ុន្តែវាអាចបំផ្លាញសក់មិនគួរឲ្យជឿ។ បើចង់លៀបសក់ អ្នកគួរតែទៅហាងត្រឹមត្រូវវិញល្អជាង៕