មនុស្សស្រីមានតែសម្រស់មិនគ្រប់គ្រាន់ទេ បូករបស់ ៨ យ៉ាងនេះទៀតទើប Perfect
- 2017-07-04 01:26:15
- ចំនួនមតិ 0 | ចំនួនចែករំលែក 0
មនុស្សស្រីមានតែសម្រស់មិនគ្រប់គ្រាន់ទេ បូករបស់ ៨ យ៉ាងនេះទៀតទើប Perfect
មិនមែនទាល់តែស្អាត ទើបអាចក្លាយជាមនុស្សស្រីដែលល្អឥតខ្ចោះនោះទេ។ តែស្រីៗគួរមានរបស់ទាំងអស់នេះ មកបូកបន្ថែមទៀត ទើបគេហៅថានារីដ៏អស្ចារ្យ៖
១.ប្រសិនបើស្អាត ហើយថែមទាំងឆ្លាតទៀត នោះយើងនឹងក្លាយជាមនុស្សស្រីដែលបុរសគ្រប់រូបតែងគេងប្រាថ្នា។ បើមនុស្សស្រីមានទាំងរូបសម្បត្តិ និងប្រាជ្ញា មានន័យថាជាមនុស្សមានសំណាងជាងនារីដែលមានតែសម្រស់មួយមុខ។
**២**.សន្ដានចិត្ត៖ ទោះជាអ្នកស្អាត ហើយឆ្លាតប៉ុណ្ណាក៏ដោយ បើគ្មានសន្ដានចិត្តល្អចេះជួយអ្នកដទៃទេ នោះគ្មាននរណាគេចង់រាប់អានជាមួយឡើយ។ មនុស្សស្រីដែលមានសន្ដានចិត្តល្អ រមែងជួបតែអ្នកធ្វើល្អដាក់ខ្លួនវិញ។
៣.ភាពថ្លៃថ្នូរ៖ មនុស្សស្រីបើមានទាំងប្រាជ្ញា, សមានចិត្ត និងរក្សាបានភាពថ្លៃថ្នូរ ទោះជាមានជីវភាពក្រីក្រប៉ុណ្ណា ក៏មនុស្សប្រុសនៅតែចោមរោមស្រលាញ់ដែរ។
៤.ចេះឲ្យតម្លៃអ្នកដទៃ និងខ្លួនឯង៖ ត្រូវចាំថា មនុស្សស្រីដែលចេះឲ្យតម្លៃអ្នកដទៃ និងខ្លួនឯង រមែងជួបតែអ្វីដែលល្អដូចគ្នា។ ស្ត្រីដែលមានរូបសម្បត្តិ, តែបើមិនឲ្យតម្លៃដល់អ្នកដទៃទេ ទោះមានប្រាក់ប៉ុណ្ណាក៏កុំសង្ឃឹមថាអាចទិញការស្រលាញ់ចូលចិត្តពីញាតិមិត្តបាន។
៥.ត្រូវមានភាពជឿជាក់លើខ្លួនឯង៖ ស្ត្រី perfect គឺគេតែងជឿជាក់លើខ្លួនឯងជានិច្ច។ ព្រោះការជឿជាក់លើខ្លួនឯង គឺជាគន្លឹះនាំទៅរកភាពជោគជ័យ។
៦.ក្ដីស្រលាញ់៖ មនុស្សស្រីដែលមានមនោសញ្ចេតនា គឺមានទន់ភ្លន់ និងគួរឲ្យចូលចិត្ត។ ទឹកចិត្តស្រលាញ់នេះហើយអាចជួយជម្នះឧបសគ្គនៅចំពោះមុខបានយ៉ាងងាយ។
៧.ភាពរួសរាយ៖ ទឹកមុខញញឹមញញែមរបស់មនុស្សស្រី គឺជាមន្តស្នេហ៍សណ្ដំចិត្តមនុស្សនៅជុំវិញខ្លួនឲ្យលង់ស្នេហ៍លើយើងទាំងមិនដឹងខ្លួន។
៨.ភាពក្លាហាន និងតស៊ូ៖ ស្ត្រីដែលមានទាំងព្រមបែបនេះ ក៏នៅតែត្រូវការភាពក្លាហាន ដើម្បីអាចឲ្យខ្លួនឯងឈានទៅរកអ្វីថ្មីមកបំពេញចំណុចខ្វះខាត៕
ចុចអាន៖មេរៀនជីវិតសំខាន់ ៦ ចំណុចដែលស្ត្រីវ័យក្មេងគួរដឹង