ស្រលាញ់អ្នកណាក៏បាន ឲ្យតែមិនមែនជាបុរសមានគ្រួសារហើយ

2017-06-29 10:48:51
ចំនួនមតិ 0 | ចំនួនចែករំលែក 0

ស្រលាញ់បុរសម្នាក់ ដូចជាការដើរចូលក្នុងចម្ការផ្លែឈើមួយដែរ។ សូមដើរទៅរកកន្លែងណាដែលមិនទាន់មានផ្លែផ្កា។ កុំបំផ្លាញកន្លែងដែលមានដុះរីកផ្លែផ្ការួចហើយ។

រូបតំណាង

ខ្ញុំមានមិត្តភ័ក្ដិម្នាក់ ក៏មិនមែនស្និទ្ធស្នាលអីដែរ គ្រាន់តែស្គាល់គ្នាតែប៉ុណ្ណោះ។ ខ្ញុំឧស្សាហ៍ឃើញនាងចែករំលែកលើ Facebook ថា រាល់ពេលឃើញសង្សារនាងផ្ញើសារមក បេះដូងនាងឈឺចាប់ ទប់ទឹកភ្នែកមិនជាប់។ នាងបានព្យាយាមបញ្ចប់មនោសញ្ចេតនានេះ តែបុរសនោះនៅតែប្រឹងតោងទាម បើទោះបីជាគាត់មានគ្រួសាររួចហើយ។

ជាអ្នកឈរនៅខាងក្រៅ បានត្រឹមអាន និងយល់ពីអារម្មណ៍នៃការឈឺចាប់របស់នាងតាមការចែករំលែកលើបណ្ដាញសង្គម ទើបខ្ញុំយល់ថា ស្រីៗគ្នាយើងពិតជាវេទនាខ្លាំងណាស់។ ពួកយើងអាចងាយស្រួលធ្វើឲ្យស្រីម្នាក់ទៀតឈឺចាប់ដោយសារតែយើងព្រោះបុរសសាវាម្នាក់។ បើទោះបីជាប្រពន្ធ ឬសង្សារ យើងគ្រាន់តែធ្វើឲ្យសត្រូវស្នេហារងទុក្ខប៉ុណ្ណោះ។ ពួកយើងត្រៀមខ្លួនរួចរាល់ដើម្បីការពារបុរសនោះ ថាមនុស្សមានក្រៅជារឿងធម្មតា តែវាមិនធម្មតាចំពោះប្រពន្ធរបស់គេនោះឡើយ។ ដូចនេះហើយ សូមបើកចិត្តឲ្យទូលាយ ហើយកុំស្រលាញ់អ្នកដែលមានគ្រួសារហើយ។

រូបតំណាង

ព្រោះនៅពីក្រោយពាក្យគ្រួសារ២ម៉ាត់នេះ នៅមានកូនក្មេង ដែលមានអនាគតភ្លឺស្វាង។ ក្រោយពាក្យគ្រួសារនេះ នៅមានប្រពន្ធម្នាក់ដែលមុខប្រឡូកប្រឡាក់នៅក្នុងផ្ទះបាយ គ្មានពេលថែរក្សាខ្លួនឯងដោយត្រូវមើលថែអ្វីដែលគេហៅថាគ្រួសារ។

រូបតំណាង

ស្រីៗយើងមានសិទ្ធិតុបតែងខ្លួនឲ្យស្អាត មានសិទ្ធិឯករាជ្យ មានសិទ្ធិស្រលាញ់ តែគ្មានសិទ្ធបំផ្លាញសុភមង្គលគេនោះទេ។ អ្នកណាក៏មានសិទ្ធិមានស្នេហា តែសូមស្វែងរកអ្នកដែលស័ក្ដិសមសម្រាប់ខ្លួន។ ព្រោះមនុស្សស្រីកើតមកមិនមែនទុកឲ្យគេរិះគន់នោះឡើយ។ បើសិនជានិស្ស័យមិនទាន់ដល់ សូមរង់ចាំសិន។ បើសិនជាគូមិនទាន់ដល់ សូមមានមោទនាភាពថាខ្លួនជាមនុស្សស្រីស្ដង់ដាខ្ពស់។ បើសិនជាអាច សូមធ្វើឲ្យមនុស្សប្រុសឈឺចាប់ កុំឲ្យស្រីៗគ្នាឯងរងទុក្ខវេទនាអី៕

ចុចអាន៖ លើលោកនេះ បើមានជួប គង់តែមានបែក

ប្រភព៖ eva

ប្រែសម្រួល៖ Caramel